SKN, Jr NTR: గాయాలపాలైన తారక్ ఫ్యాన్ కు ఎస్కేఎన్ సాయం.. మంచి మనస్సంటూ?

టాలీవుడ్ ఇండస్ట్రీలో తక్కువ సినిమాలే నిర్మించినా నిర్మాత ఎస్కేఎన్ (Sreenivasa Kumar Naidu) కు ప్రేక్షకుల్లో మంచి గుర్తింపు ఉంది. (Baby) బేబీ సినిమా సక్సెస్ తో ఇండస్ట్రీ అంతటా ఈ నిర్మాత పేరు మారుమ్రోగింది. ఎన్నో కష్టాలు పడి బేబీ సినిమాను నిర్మించిన ఎస్కేఎన్ ఈ సినిమాతో ఆ కష్టానికి తగ్గ ఫలితాన్ని అందుకున్నారు. అయితే ఇప్పటికే కష్టాల్లో ఉన్న కొంతమందికి సహాయం చేసిన ఎస్కేఎన్ ఎన్టీఆర్ అభిమానికి 50 వేల రూపాయల సహాయం చేయడం ద్వారా వార్తల్లో నిలిచారు.

పవన్ కృష్ణ అనే ఎన్టీఆర్ (Jr NTR) అభిమాని ఒక ప్రమాదంలో గాయాలపాలు కాగా అమలాపురంలోని ప్రముఖ ప్రైవేట్ ఆస్పత్రిలో చికిత్స పొందుతున్నాడు. పవన్ కృష్ణ కుటుంబానికి ఆర్థిక ఇబ్బందులు ఉన్న నేపథ్యంలో అమలాపురం ఎన్టీఆర్ ఫ్యాన్స్ సోషల్ మీడియా వేదికగా పవన్ కృష్ణ ఆర్థిక స్థితి గురించి వెల్లడించడంతో పాటు వీలైనంత సహాయం చేయాలని కోరారు. ఈ విషయం నిర్మాత ఎస్కేఎన్ దృష్టికి వచ్చింది.

విషయం తెలిసిన వెంటనే 50,000 రూపాయలు సహాయం చేసిన ఎస్కేఎన్ ఆ విషయాన్ని పంచుకోవడంతో పాటు పవన్ కృష్ణ త్వరగా కోలుకోవాలని జూనియర్ ఎన్టీఆర్ అభిమానులు, సినీ అభిమానులు తన వంతు సహాయం చేయాలని కోరారు. ఎస్కేఎన్ మంచి మనస్సును ఎంత మెచ్చుకున్నా తక్కువేనని నెటిజన్లు సోషల్ మీడియా వేదికగా కామెంట్లు చేస్తుండగా ఆ కామెంట్లు వైరల్ అవుతున్నాయి.

యంగ్ టైగర్ జూనియర్ ఎన్టీఆర్ అభిమానులు ఎస్కేఎన్ ను ఎంతగానో ప్రశంసిస్తున్నారు. జూనియర్ ఎన్టీఆర్ ప్రస్తుతం కెరీర్ పరంగా బిజీగా ఉండగా భారీ ప్రాజెక్ట్ లతో త్వరలో ప్రేక్షకుల ముందుకు రానున్నారు. దేవర మూవీ ఈ ఏడాది దసరా పండుగ కానుకగా విడుదల కానున్న సంగతి తెలిసిందే. ఈ సినిమా డిజిటల్ హక్కులు భారీ మొత్తానికి అమ్ముడయ్యాయని సమాచారం అందుతోంది.

ఘనంగా హీరోయిన్ మీరా చోప్రా పెళ్లి.. వైరల్ అవుతున్న ఫోటోలు

భర్తకు షాకిచ్చిన సీరియల్ నటి.. ఏమైందంటే?
సిద్ధు జొన్నలగడ్డ ఆ హీరోయిన్ ను పెళ్లి చేసుకోనున్నారా.. ఏం జరిగిందంటే?