అల్లు అర్జున్ పై కమెడియన్ పృథ్వీ సెటైర్!

‘చెప్పను బ్రదర్’.. ఈ డైలాగ్ వింటే అల్లు అర్జున్-పవన్ కళ్యాణ్ ఫ్యాన్స్ గొడవే గుర్తుకువస్తుంది. పవన్ గురించి బన్నీని మాట్లాడమని పవన్ ఫ్యాన్స్ అడగడం, దానికి బన్నీ ‘చెప్పను బ్రదర్’ అని మొండికేయడం, తర్వాత సోషల్ మీడియా వేదికగా బన్నీ పై పవన్ ఫ్యాన్స్ యుద్ధం ప్రకటించడం తెలిసిన విషయాలే.

అయితే ఇప్పుడీ డైలాగ్ పై సెటైర్ వేశాడు కమెడియన్ పృథ్వీ. అల్లరి నరేష్ కొత్త సినిమా సెల్ఫీరాజా’. ఈ సినిమా కొత్త ట్రైలర్ బయటికి వచ్చింది. ట్రైలర్ నరేష్ స్టయిల్ లో సాగింది. అయితే చివర్లో ఓ మెరుపుంది. అదే ‘చెప్పను బ్రదర్’. నువ్వు ఎవడివిరా? అని విలన్ అడిగితే.. ‘చెప్పను బద్రర్’ అని కామ్ గా అంటాడు పృథ్వీ. ఇది సరిగ్గా బన్నీకి తగిలిందని ప్రత్యేకంగా చెప్పక్కర్లేదు. మరి ఈ డైలాగ్ పై ఫ్యాన్స్ రియాక్షన్ ఎలా వుంటుందో.. చూడాలి..!