బ్యాడ్ హ్యాబిట్స్ అనేవి ప్రెజర్(ఒత్తిడి) నుండి తప్పించుకోవడానికి తాత్కాలికమైన రిలీఫ్ అనుకోవాలి. ఇవి హద్దుల్లో ఉంటే.. ఎవ్వరికీ ఇబ్బంది ఉండదు.క్రియేటివ్ ఫీల్డ్ లో ఉన్న సెలబ్రిటీలకు సిగరెట్ కాల్చడం అనే అలవాటు ఎక్కువగా ఉంటుంది. నిజానికి ఇలాంటి అలవాట్లు ఉన్నవారు బయటకు చెప్పుకోడానికి ఇబ్బంది పడుతుంటారు.కొన్ని సందర్భాల్లో మాత్రం కొంతమంది స్టార్లు బయటపడిపోయారు. అందులో రజనీ కాంత్, సిరివెన్నెల సీతారామశాస్త్రి గారు, త్రివిక్రమ్ శ్రీనివాస్, మహేష్ బాబు, ప్రకాష్ రాజ్ వంటి వారు ఒప్పుకున్నారు.
మహేష్- త్రివిక్రమ్ వంటి వారు ఈ అలవాటు నుండి విడుదల పొందినట్టు కూడా క్లారిటీ ఇచ్చారు. తాజాగా నాకు కూడా సిగరెట్ కాల్చే అలవాటు ఉందని దర్శకుడు పూరి జగన్నాథ్ బయటపెట్టేశాడు. తన శైలిలో ఈ అలవాటు గురించి ఓపెన్ గానే రివీల్ చేశాడు పూరి. ‘నాకు సిగరెట్ కాల్చడం అలవాటు ఉంది. అది కొంచెం ఎక్కువగానే ఉంది. నాకు మాత్రమే కాదు నాలాంటి రైటర్ కమ్ డైరెక్టర్లకు ఈ అలవాటు ఉండడం నేను గ్రహించాను. ఇది మంచి అలవాటు కాదు.
కానీ చిన్నప్పుడు తిరిగిన ఎదవ తిరుగుళ్ళు వల్ల దీనికి బానిసైపోయాను’ అంటూ పూరి జగన్నాథ్ చెప్పుకొచ్చారు. ఈ మధ్యనే ‘లైగర్’ చిత్రంతో ప్రేక్షకుల ముందుకు వచ్చిన పూరి జగనాథ్.. తర్వాత ‘జన గణ మన’ అనే చిత్రాన్ని తెరకెక్కించనున్నాడు. విజయ్ దేవరకొండ ఈ చిత్రంలో హీరోగా నటించాల్సి ఉంది. పాన్ ఇండియా మూవీగానే ఈ మూవీ కూడా తెరకెక్కుతుంది. హీరోయిన్ గా ఆల్రెడీ పూజా హెగ్డే ఫైనల్ అయ్యింది. ఈ చిత్రం కోసం ఆమె ఏకంగా రూ.4 కోట్ల వరకు పారితోషికం అందుకుందని ప్రచారం జరిగింది.
Most Recommended Video
‘లైగర్’ కచ్చితంగా చూడడానికి గల 10 కారణాలు..!
మహేష్ టు మృణాల్.. వైజయంతి మూవీస్ ద్వారా లాంచ్ అయిన స్టార్ల లిస్ట్..!
‘తమ్ముడు’ టు ‘లైగర్’… బాక్సింగ్ నేపథ్యంలో రూపొందిన సినిమాల లిస్ట్..!
