పూరి సినిమాలో విజయ్ దేవరకొండ పాత్ర అదే?

ఇటీవల ఎనర్జిటిక్ స్టార్ రామ్ తో ‘ఇస్మార్ట్ శంకర్’ చిత్రం చేసి బ్లాక్ బస్టర్ అందుకున్నాడు డాషింగ్ డైరెక్టర్ పూరి జగన్నాథ్. ఈ చిత్రంతో 4 ఏళ్ళ తరువాత బౌన్స్ బ్యాక్ అయ్యాడు. ఇక ఈ చిత్రం తర్వాత పూరి ఏ హీరో తో సినిమా చేస్తాడా..? అనే ఆసక్తి నెలకొంది. ఈ క్రమంలో విజయ్ దేవరకొండ, ‘కె.జి.ఎఫ్’ హీరో యష్ వంటి హీరోల పేర్లు వినిపించాయి. గతంలో పూరి… ‘జనగణమణ’ అనే స్క్రిప్ట్ ను రెడీ చేసుకున్నాడు. మహేష్ బాబు తో ఈ చిత్రం చేయాలనుకున్నాడు. కానీ మహేష్ బిజీ షెడ్యూల్స్ వలన చేయలేకపోయాడు. ఇక వీరిద్దరికి మధ్య మనస్పర్థలు కూడా వచ్చాయని ‘మహర్షి’ టైం లో మహేష్… ‘ఇస్మార్ట్ శంకర్’ ప్రమోషన్స్ లో పూరి ఇండైరెక్ట్ గా కన్ఫార్మ్ చేశారు. ఈ క్రమంలో ఈ స్క్రిప్ట్ ను పూరి ఎవరితో తెరకెక్కిస్తాడనే ఆసక్తి నెలకొంది.

కానీ తాజాగా విజయ్ దేవరకొండతోనే పూరి జగన్నాథ్ తన తరువాతి సినిమా చేస్తున్నట్టు అధికారిక ప్రకటన వచ్చింది. ఈ చిత్రాన్ని కూడా పూరి జగన్నాథ్, ఛార్మీ కలిసి నిర్మించబోతున్నారు. ఈ విషయాన్నీ స్వయంగా నిర్మాతలలో ఒకరైన ఛార్మీ తన సోషల్ మీడియా ద్వారా ప్రకటించింది. ఛార్మీ సోషల్ మీడియా ద్వారా స్పందిస్తూ.. ‘ఈరోజు నిజంగా హ్యాపీ.. హ్యాపీ ఈద్’ అంటూ ట్వీట్ చేసి తన నెక్స్ట్ ప్రాజెక్ట్ విజయ్ దేవరకొండ తో చేయబోతున్నట్టు ఓ లేఖను పోస్ట్ చేసింది. అయితే ఈ చిత్రంలో హీరోయిన్, ఇతర నటీ నటుల వివరాలని మాత్రం తెలియజేయలేదు. పూర్తి వివరాలు త్వరలో ప్రకటిస్తామని ఆ లేఖలో ఉంది. అయితే విజయ్ తో చేసేది పూరి చేసేది ‘జనగణమన’ కథే అని ఫిలింనగర్ లో గుసగుసలు వినిపిస్తున్నాయి. ఈ చిత్రంలో నత్తి తో బాధపడే వ్యక్తి పాత్రలో విజయ్ దేవరకొండ కనిపించబోతున్నాడని టాక్ వినిపిస్తుంది. మరి ఇందులో ఎంతవరకూ నిజముందో తెలియాల్సి ఉంది.