టాలీవుడ్ లో వేగంగా సినిమాలను తెరకెక్కించే దర్శకుడిగా పూరీ జగన్నాథ్ కు పేరుంది. కొంతమంది స్టార్ డైరెక్టర్లు, స్టార్ రైటర్లు సైతం పూరీ జగన్నాథ్ ను ఎంతగానో అభిమానిస్తారు. అయితే ఈ మధ్య కాలంలో పూరీ జగన్నాథ్ డైరెక్షన్ లో తెరకెక్కిన సినిమాలు, పూరీ జగన్నాథ్ కథ అందించిన సినిమాలు ప్రేక్షకులను పెద్దగా ఆకట్టుకోవడం లేదు. గత కొన్నేళ్లలో పూరీ జగన్నాథ్ డైరెక్షన్ లో తెరకెక్కిన సినిమాలలో టెంపర్, ఇస్మార్ట్ శంకర్ మినహా మరే సినిమా హిట్ కాలేదు.
పూరీ జగన్నాథ్ కథ అందించిన రొమాంటిక్ సినిమా కూడా ప్రేక్షకులను ఏ మాత్రం ఆకట్టుకోలేదు. ఇస్మార్ట్ శంకర్ హిట్ అయినా ఆ సినిమాకు క్రిటిక్స్ నుంచి నెగిటివ్ రివ్యూలు వచ్చిన సంగతి తెలిసిందే. లైగర్ సినిమాతో పూరీ జగన్నాథ్ ప్రూవ్ చేసుకోవాల్సిన పరిస్థితి నెలకొంది. వచ్చే ఏడాది రిలీజ్ కానున్న లైగర్ సినిమాతో పూరీ జగన్నాథ్ ఎలాంటి ఫలితాన్ని అందుకుంటారో చూడాల్సి ఉంది. భారీ బడ్జెట్ తో ఈ సినిమా తెరకెక్కుతోంది.
విజయ్ దేవరకొండ సైతం ఈ సినిమాతో భారీ బ్లాక్ బస్టర్ హిట్ ను సొంతం చేసుకుంటానని భావిస్తున్నారు. కరోనా సెకండ్ వేవ్ వల్ల ఈ ఏడాదే రిలీజ్ కావాల్సిన ఈ మూవీ వచ్చే ఏడాదికి వాయిదా పడింది. విజయ్ పూరీ జగన్నాథ్ కాంబినేషన్ లో తెరకెక్కుతున్న తొలి సినిమా లైగర్ కాగా ఈ సినిమా కోసం ప్రేక్షకులు ఆసక్తిగా ఎదురుచూస్తున్నారు. మరోవైపు పూరీ జగన్నాథ్ కథల విషయంలో మారాలని కొత్త తరహా కథలను తెరకెక్కించాలని ఫ్యాన్స్ కోరుకుంటున్నారు.
Most Recommended Video
రొమాంటిక్ సినిమా రివ్యూ & రేటింగ్!
పునీత్ రాజ్ కుమార్ సినీ ప్రయాణం గురించి తెలిస్తే షాక్ అవ్వాల్సిందే..!
ఇప్పటివరకు ఎవ్వరూ చూడని పునీత్ రాజ్ కుమార్ ఫోటోలు..!
Home