యంగ్ టైగర్ ఎన్టీఆర్ తలకి కొత్త సమస్య చుట్టుకుంది. జనతాగ్యారేజ్ తర్వాత ఏ డైరక్టర్ తో సినిమా ఓకే చెయ్యాలో తెలియక కథలను వింటున్న తారక్ ని పూరి జగన్నాథ్ ఇబ్బంది పెడుతున్నాడంట. కొన్నిరోజుల క్రితం ఇజం సినిమా ఫలితం చూసి పూరితో మూవీ చేద్దామని ఎన్టీఆర్ అనుకున్నారు. ఆ ఫిల్మ్ ఆశించినంతగా విజయం సాధించక పోవడంతో తారక్ తన నిర్ణయాన్ని మార్చుకున్నారు. పూరి మాత్రం తన ఆలోచనను మార్చుకోలేదు. ఎలాగైనా ఎన్టీఆర్ తో సినిమా చెయ్యాలని బలంగా ప్రయత్నిస్తున్నారు.
ఎందుకంటే ఆయన సినిమాలు జ్యోతిలక్ష్మి, లోఫర్, ఇజం ఫెయిల్ అయ్యాయి. ఈ సమయంలో తాను మళ్లీ ఫామ్లోకి రావాలంటే యంగ్ టైగర్ శరణ్యమని భావిస్తున్నారు. కాబట్టి పూరి ఎన్టీఆర్ ని వదలడంలేదు. తాను బ్యాంకాక్ కి వెళ్లినా ప్రతి రోజూ తారక్ కి ఫోన్ చేస్తున్నారంట. స్క్రిప్ట్ భలే వస్తోంది, మూవీ అనౌన్స్ చేయమని అడుగుతున్నారట. అతనితో సినిమా చెయ్యనని మొహం మీదే చెప్పడం ఇష్టం లేని ఎన్టీఆర్ తెగ ఇబ్బంది పడుతున్నట్లు తెలిసింది. పూరీని వదిలించుకోవడానికి తొందరగా ఓ డైరక్టర్ తో మూవీ ఓకే చెయ్యాలని అనుకుంటున్నారని ఆయన సన్నిహితులు వెల్లడించారు.
