తెలుగు చిత్ర దర్శకుల్లో తనకంటూ.. ఓ స్పెషల్ ఇమేజ్ ను క్రియేట్ చేసుకున్నారు పూరీ జగన్నాథ్. అతి తక్కువ సమయంలో సినిమాలను పూర్తి చేసి విడుదల చేస్తుంటాడు పూరీ. ప్రస్తుతం కల్యాణ్ రామ్ తో ‘ఇజం’ సినిమాను రూపొందిస్తోన్న ఆయన తన తదుపరి చిత్రం మహేష్ బాబు తో చేయాల్సివుంది. ఈ చిత్రానికి ‘జనగణమన’ అనే టైటిల్ కూడా కన్ఫర్మ్ చేశారు.
అయితే మహేష్ మురుగదాస్ సినిమాతో బిజీగా ఉన్నాడు. తనకు కొత్త సినిమా చేయడానికి సమయం పడుతుంది. దీంతో ఆ గ్యాప్ ను పూర్తి చేయడానికి పూరీ జగన్నాథ్ ఓ మల్టీ స్టారర్ సినిమా ప్లాన్ చేస్తున్నాడు. అందులో ఒక హీరో నాగశౌర్య కాగా మరొక హీరో విజయ్ దేవరకొండ అనే మాటలు వినిపిస్తున్నాయి. అయితే విజయ్ దేవరకొండ మాత్రం తనను ఎవరు సంప్రదించలేదని చెబుతున్నాడు. ఫైనల్ గా ఎవరిని తీసుకుంటారో చూడాలి. లవ్ యాక్షన్ డ్రామాగా ఈ సినిమా ఉంటుందని తెలుస్తోంది.
