డైరెక్టర్ పూరి జగన్నాధ్ కి ఇండస్ట్రీలో ఓ స్పెషల్ ఇమేజ్ ఉంది. తన మనస్తత్వానికి తగ్గట్టుగా హీరో పాత్రలను ఆయన రూపొందిస్తాడు. హీరో అంటే రాముడు మంచి బాలుడు అన్నట్లు ఉండాలి అనే సిద్ధాంతం కి స్వస్తి చెప్పిన డైరెక్టర్ పూరి జగన్నాధ్. పూరి హీరోలందరూ చాలా రఫ్ గా ఉంటారు. ఇక విభిన్నమైన కథలతో అనేక హిట్లు ఆయన అందుకున్నారు. అనేక బ్లాక్ బస్టర్స్ కొట్టిన పూరి సక్సెస్ రేట్ మాత్రం చాలా తక్కువ. చాల వేగంగా సినిమాలు తీసే పూరి అనేక ప్లాప్స్ ఇచ్చారు. దీనితో ఆయన టాప్ డైరెక్టర్స్ లీగ్ నుండి తప్పుకున్నారు. ఒక హిట్ ఇస్తే వరుసగా రెండు మూడు ప్లాప్స్ ఇవ్వడం పూరి ఆనవాయితీ. ఇక పూరి పని అయిపొయింది అనుకుంటున్న సమయంలో ఆయన ఇస్మార్ట్ శంకర్ సినిమాతో సూపర్ ఫార్మ్ లోకి వచ్చాడు.
కాగా పూరి ఓ స్క్రిప్ట్ బాలీవుడ్ సూపర్ స్టార్ సల్మాన్ కోసం సిద్ధం చేయగా ఆయన సానుకూలంగా స్పందించాడని వార్తలు వస్తున్నాయి. ప్రస్తుతం ప్రభుదేవాతో రాధే మూవీ చేస్తున్న సల్మాన్, కభీ ఈద్..కభీ దివాళి అనే మరో మూవీకి కూడా సైన్ చేశారు. ఈ రెండు చిత్రాల అనంతరం ఆయన పూరితో మూవీ చేసే అవకాశం కలదని వినిపిస్తుంది. మరి ఇదే కనుక జరిగితే పూరికి పునర్వైభవం వచ్చినట్లే. గతంలో అమితాబ్ తో బుడ్డా హోగా తేరా బాప్ మూవీ తెరకెక్కించిన పూరి హిట్ అందుకున్నారు.
ఇక 2009లో సల్మాన్ ని హిట్ ట్రాక్ లో పెట్టిన వాంటెడ్ మూవీ తెలుగు పోకిరి రీమేక్ కావడం విశేషం. ఈ నేపథ్యంలో సల్మాన్ పూరితో మూవీ చేస్తున్నాడు అనే విషయాన్ని కొట్టిపారేయలేం. ఇక ప్రస్తుతం విజయ్ దేవరకొండ తో చేస్తున్న మూవీ కూడా పాన్ ఇండియా చిత్రమే. ఈ మూవీ విజయం సాధిస్తే పూరి మళ్ళీ ట్రాక్ లోకి వచ్చినట్లే. పూరి కోసం ఇదివరకు మల్లే స్టార్ హీరోలు ఎదురుచూడడం ఖాయం.
Most Recommended Video
ఎన్టీఆర్ రిజెక్ట్ చేసిన 12 సినిమాలు!
తెలుగు హీరోలను చేసుకున్న తెలుగురాని హీరోయిన్స్
అందమైన హీరోయిన్స్ ని పెళ్లి చేసుకున్న టాలీవుడ్ విలన్స్
