వెనుకడుగు వేస్తున్న విజయ్.. కారణం అదే..!

డ్యాషింగ్ డైరెక్టర్ పూరీ జగన్నాథ్ సినిమాని వేగంగా తెరకెక్కించడంలో సిద్దహస్తుడు. రెగ్యులర్ షూటింగ్ మొదలు పెట్టడానికి ముందే.. ప్రీ ప్రొడక్షన్ వర్క్ ను పక్కాగా ఫినిష్ చేసుకుంటుంటాడు. షూటింగ్ ప్రారంభించిన తరువాత కొంచెం బ్రేక్ కూడా తీసుకోడు.. ఆ సినిమా నటీనటులకు కూడా బ్రేక్ ఇవ్వడు. అలాంటి పూరి ఇప్పుడు క్రేజీ హీరో విజయ్ దేవరకొండతో సినిమా చేస్తున్నాడు. ఈ చిత్రాన్ని ఛార్మీతో పాటు పూరి అలాగే బాలీవుడ్ నిర్మాత కరణ్ జోహార్ కలిసి నిర్మిస్తున్నారు.

ఇప్పటికే 40శాతం షూటింగ్ పూర్తయ్యింది. పాన్ ఇండియా మూవీగా తెరకెక్కుతోన్న ఈ చిత్రంలో అనన్య పాండే హీరోయిన్ గా నటిస్తుంది. విజయ్ దేవరకొండ గత చిత్రాలు అయిన ‘డియర్ కామ్రేడ్’ ‘వరల్డ్ ఫేమస్ లవర్’ వంటివి డిజాస్టర్లు అయ్యాయి కాబట్టి రౌడీ ఫ్యాన్స్ అంతా.. పూరి సినిమా పైనే ఆశలు పెట్టుకున్నారు. ఇదిలా ఉండగా.. ఇప్పుడు షూటింగ్ లకు పర్మిషన్ లభించడంతో పూర్తి తన టీం అందరినీ అలెర్ట్ చేస్తున్నాడట.

సాధ్యమైనంత త్వరగా ఈ చిత్రాన్ని ఫినిష్ చెయ్యాలని భావిస్తున్నడని తెలుస్తుంది. అయితే మరోపక్క విజయ్ దేవరకొండ మాత్రం.. ఇప్పట్లో షూటింగ్ కు తిరిగి జాయిన్ అయ్యేందుకు రెడీగా లేనట్లు తెలిపాడట. ఇప్పటికే వైరస్ మహమ్మారి తిరిగి పుంజుకుంటుంది. కేసులు విపరీతంగా పెరుగుతున్నాయి. ఇలాంటి టైములో షూటింగ్ చెయ్యకూడదని,తన ఫ్యామిలీతోనే టైం స్పెండ్ చెయ్యాలని విజయ్ భావిస్తున్నట్టు తెలుస్తుంది.విజయ్ నిర్ణయంతో పూరి అసహనం వ్యక్తం చేస్తున్నట్టు సమాచారం.

Most Recommended Video

కవల పిల్లలు పిల్లలు కన్న సెలెబ్రిటీలు వీరే..!
బాగా ఫేమస్ అయిన ఈ స్టార్స్ బంధువులు కూడా స్టార్సే
బాలయ్య సాధించిన అరుదైన రికార్డ్స్ ఇవే..!