పూరీ జగన్నాథ్ వేస్తున్న మాస్టర్ ప్లాన్ ఇదేనా..?

రౌడీస్టార్ విజయ్ దేవరకొండ డేరింగ్ అండ్ డ్యాషింగ్ డైరెక్టర్ పూరీ జగన్నాథ్ తో కలిసి చేస్తున్న సినిమా లైగర్. బాక్సింగ్ నేపథ్యంలో ఈసినిమా తెరకెక్కుతున్న సంగతి తెలిసిందే. బాలీవుడ్ బ్యూటీ అనన్య పాండే హీరోయిన్ గా చేస్తున్న ఈసినిమా నుంచి ఇప్పుడు ఇంట్రస్టింగ్ మేటర్ ఒకటి తెలుస్తోంది. ఈ సినిమా ఎడింగ్ లో హీరో రేస్ లో గెలుస్తాడని, మరో రేస్ కి సిద్ధంగా ఉంటాడని ఎండ్ టైటిల్స్ లో ఈ సినిమాకి పార్ట్ 2 ఉంటుందని ప్రకటిస్తారని టాక్.

ఇప్పటి వరకూ పూరీజగన్నాథ్ సినిమాలు ఏవీ కూడా పార్ట్ 2 చేస్తామని ముందుగా ప్రకటించినవి లేవు. ఎప్పటికప్పుడే ట్రెండ్ ని ఫాలో అవుతాడు, ట్రెండ్ సృష్టిస్టాడు ఈ డైరెక్టర్. అయితే, ఈసారి మాత్రం బాలీవుడ్ లో సైతం ఈ సినిమాని రిలీజ్ చేస్తున్నారు. అక్కడ మ్యాగ్జిమమ్ మార్కెట్ ని కొట్టాలని ప్లాన్ చేస్తున్నారు. అందుకే ఈసినిమాకి ఇప్పుడు సీక్వల్ ప్లాన్ చేస్తున్నారట. ముందుగానే బిజినెస్ అవుతుందని దాంతో భారీ బడ్జెట్ తో పార్ట్ 2 ని తీయచ్చని ప్లాన్ చేసినట్లుగా తెలుస్తోంది.

ప్రస్తుతం పూరీజగన్నాథ్ ఈసినిమాని ఒక రేంజ్ లో తెరకెక్కిస్తున్నాడు. విజయ్ దేవరకొండకి మదర్ క్యారెక్టర్ లో రమ్యకృష్ణ నటిస్తోంది. రమ్యకృష్ణ క్యారెక్టర్ కి, చెప్పే డైలాగ్స్ కి థియేటర్స్ లో విజిల్సే విజిల్స్ అని అంటోంది మూవీ టీమ్. ఇప్పటి వరకూ వచ్చిన పిక్చర్ చాలా బాగా వచ్చిందని, అతి త్వరలోనే మూవీ టీమ్ ఒక టీజర్ ని రిలీజ్ చేయబోతోందని అంటున్నారు. పూరీ జగన్నాథ్, ఛార్మీ సంయుక్తంగా నిర్మిస్తున్న ఈసినిమాని హిందీలో కరణ్ జోహార్ అండ్ టీమ్ రిలీజ్ చేస్తున్న సంగతి తెలిసిందే. అందుకే ఈ క్రేజీ ప్రాజెక్ట్ పై బాలీవుడ్ లో అంచనాలు ఏర్పడుతున్నాయి. మొత్తానికి అదీ విషయం.

Most Recommended Video

పిట్ట కథలు సిరీస్ రివ్యూ & రేటింగ్!
నాంది సినిమా రివ్యూ & రేటింగ్!
పొగరు సినిమా రివ్యూ & రేటింగ్!