నందమూరి బాలకృష్ణ, పూరి జగన్నాథ్ కలయికలో సినిమా యమ జోరుగా షూటింగ్ జరుపుకుంటోంది. ఈనెల 16 తేదీ నుంచి ఫైట్ చిత్రీకరిస్తున్నారు. గౌతమి పుత్ర శాతకర్ణి తర్వాత బాలయ్య చేస్తున్న ఈ సినిమా గురించి కొన్ని రోజుల క్రితం ఓ వార్త హల్ చల్ చేసింది. ఈ మూవీ కథను పూరి మెగాస్టార్ చిరంజీవి కోసం రాసుకున్నదని, అతను వద్దనే సరికి అందులో కొంచెం మార్పులు చేసి బాలకృష్ణతో తీస్తున్నారని గుసగుసలు వినిపించాయి. అయితే దీనిపై చిత్ర బృందం స్పందించలేదు. తాజాగా బాలకృష్ణ 101 వ ఫిలిం గురించి ఆసక్తికర న్యూస్ బయటికి వచ్చింది. ఈ క్రేజీ ప్రాజక్ట్ అంతకంటే క్రేజీగా “టపోరి” అనే టైటిల్ ని ఫిక్స్ చేసినట్లు సమాచారం. విభిన్నమైన టైటిల్ పెట్టి ఆకర్షించే పూరి ఈ సినిమాకి కూడా అదే విధంగా ఆలోచించి ఈ పేరుని సూచించారు.
బాలయ్య కి ఈ పేరు నచ్చిందని, ఓకే చెప్పారని ఫిలిం నగర్ వాసులు చెప్పుకుంటున్నారు. అయితే మెగాస్టార్ చిరంజీవి గ్యాంగ్ లీడర్ సినిమాలోని “టపు టపు టపోరి” పాటలోని పదాన్ని టైటిల్ కి వాడడాన్ని నందమూరి అభిమానులకు నచ్చడం లేదు. బాలకృష్ణ తమ ఫ్యాన్స్ అభిప్రాయాన్ని పరిగణలోకి తీసుకుంటారో లేదో చూడాలి. భవ్య క్రియేషన్స్ బ్యానర్ లో ఆనంద్ ప్రసాద్ నిర్మిస్తున్న ఈ మూవీ సెప్టెంబర్ 29న రిలీజ్ కానుంది.
Also, do SUBSCRIBE to our YouTube channel to get latest Tollywood updates.
