టాలీవుడ్‌లో ఇప్పుడు టీజర్ల సందడి కొనసాగుతోంది. అగ్ర హీరోల సినిమాల నుండి చిన్నపాటి వీడియోలు సిద్ధం చేసి పండగలు, ప్రత్యేక రోజుల్లో విడుదల చేస్తుంటారు. వాటిని గ్లింప్స్‌, టీజర్‌ ఇలా ఏ పేరైనా పెట్టుకుంటారు. వాటికి యూట్యూబ్‌లో ఎన్ని వ్యూస్ వచ్చాయి, లైక్‌లు వచ్చాయి, సోషల్ మీడియాలో ట్రెండింగ్‌లోకి వచ్చిందా అని లెక్కలు వేసి సోషల్ మీడియాలో రాసి, అభిమానుల్లో ఉత్సాహం పెంచుతుంటారు. రేపు దీపావళి… దీంతో చాలా టాలీవుడ్‌ సినిమాలు పోస్టర్లు, వీడియోలతో సిద్ధమవుతున్నాయి.
వాటిలో‘పుష్ప’ కూడా ఒకటి. ప్రత్యేకంగా ఈ సినిమా గురించే ఎందుకు అంటే… టాలీవుడ్‌లో రూపొందుతున్న పాన్‌ ఇండియా సినిమాల్లో ఇదొకటి కనుక. మొన్నీ మధ్యే ‘ఆర్‌ఆర్‌ఆర్‌’ గ్లింప్స్‌ వచ్చింది. యూట్యూబ్‌లో రికార్డులు బ్రేక్‌ చేసుకుంటూ ముందుకెళ్తోంది. దీంతో దానిని బీట్‌ చేసేలా ఉండాలని ప్రయత్నాలు జరుగుతున్నాయట. దీపావళికి ‘పుష్ప’ వీడియో ఒకటి రిలీజ్‌ చేయాలని చాలా రోజుల క్రితమే అనుకున్నారట. అయితే ‘ఆర్‌ఆర్‌ఆర్‌’ గ్లింప్స్‌ చూశాక దాని మీద మరోసారి కూర్చుకున్నారట సుకుమార్‌ అండ్‌ టీమ్‌.
బన్నీ కూడా ఈ విషయంలో చాలా ప్రత్యేకంగా ఉన్నాడట. ఎందుకంటే ‘ఆర్‌ఆర్‌ఆర్‌’ కంటే ముందే ‘పుష్ప’ వస్తోంది. అందులోనూ తొలి పాన్‌ ఇండియా బన్నీకి. అందుకే అంత శ్రద్ధం. చూద్దాం ‘పుష్ప’ వీడియో ఎలా ఉంటుందో. దీనికి ఏం పేరు పెడతారో.
Most Recommended Video
రొమాంటిక్ సినిమా రివ్యూ & రేటింగ్!
పునీత్ రాజ్ కుమార్ సినీ ప్రయాణం గురించి తెలిస్తే షాక్ అవ్వాల్సిందే..!
ఇప్పటివరకు ఎవ్వరూ చూడని పునీత్ రాజ్ కుమార్ ఫోటోలు..!
