Director Teja: ‘పుష్ప’ సినిమాను ప్లాప్ అంటున్న దర్శకుడు!

October 3, 2022 / 12:06 PM ISTByFilmy Focus

Join Us

Director Teja: ‘పుష్ప’ సినిమాను ప్లాప్ అంటున్న దర్శకుడు!

అల్లు అర్జున్ నటించిన ‘పుష్ప’ సినిమా పాన్ ఇండియా లెవెల్ లో పెద్ద సక్సెస్ అయింది. ఈ సినిమాతో బన్నీ క్రేజ్ పెరిగింది. హీరోయిన్ రష్మికకు కూడా ఈ సినిమా కారణంగానే బాలీవుడ్ లో ఆఫర్లు వస్తున్నాయి. అయితే ఈ సినిమా తెలుగునాట పెద్దగా ఆడలేదని అంటున్నారు దర్శకుడు తేజ. ఇటీవల ఓ మీడియా పోర్టల్ తో మాట్లాడిన ఆయన ‘పుష్ప’ సినిమాపై కొన్ని కామెంట్స్ చేశారు. చాలా మంది అనుకుంటున్నట్లు ‘పుష్ప’ సినిమా తెలుగులో హిట్టు కాదని తేల్చి చెప్పారు.

చాలా మంది థియేటర్ల ఓనర్లకు డబ్బులు రాలేదని అన్నారు. తేజకి థియేటర్ల వ్యాపారం ఉంది. అందుకే ఆయన సినిమా వ్యాపార లావాదేవీల గురించి బాగా తెలుసు. ‘పుష్ప’ సినిమా నష్టాలు తీసుకొచ్చిందని చెప్పిన ఆయన.. ‘రాధేశ్యామ్’ సినిమాకి ప్లాప్ టాక్ వచ్చినా.. కొన్ని చోట్ల లాభాలు చూపించిందని అంటున్నారు. మరి తేజ మాటలపై అల్లు అర్జున్, ఆయన అభిమానులు ఎలా స్పందిస్తారో చూడాలి. ప్రస్తుతం ‘పుష్ప’ సినిమాకి కొనసాగింపుగా పార్ట్ 2 రాబోతుంది.

Director Teja Announces Heroes And Titles Of His Next Two Films

ఇటీవలే ఈ సినిమా పూజా కార్యక్రమాలు నిర్వహించారు. ఇప్పుడు రెగ్యులర్ షూటింగ్ ను మొదలు పెట్టడానికి సన్నాహాలు చేస్తున్నారు. ‘పుష్ప2’ని భారీ స్కేల్ లో నిర్మించడానికి రెడీ అవుతున్నారు. ఇక తేజ విషయానికొస్తే.. ఈ మధ్యకాలంలో దర్శకుడిగా ఆయన నుంచి సరైన సినిమా రాలేదు. ప్రస్తుతం ఆయన ఓ సినిమాను తెరకెక్కిస్తున్నారు.

Pushpa Movie

అదే ‘అహింస’. ఈ సినిమాతో సురేష్ బాబు రెండో కుమారుడు అభిరామ్ హీరోగా పరిచయం కానున్నారు. ఇటీవల ఈ సినిమాకి సంబంధించిన పోస్టర్స్ ను విడుదల చేశారు. త్వరలోనే ఈ సినిమా ప్రేక్షకుల ముందుకు రానుంది.