‘పుష్ప’ సినిమా మొదలైన దగ్గరి నుండి అల్లు అర్జున్‌ లుక్స్‌ రిలీజ్‌ చేస్తూనే ఉన్నారు. అనౌన్స్‌మెంట్‌ నుండి మొదలు మొన్నటి ‘దాక్కో దాక్కో మేక…’ పాట వరకు బన్నీనే ప్రమోషన్స్‌లో ఎక్కువగా కనిపించాడు. అయితే సినిమా టీమ్‌ తాజాగా మిగిలిన పాత్రల మీద దృష్టి పెట్టింది. అందులో భాగంగా విలన్‌ ఫహద్‌ ఫాజిల్‌ లుక్‌ రివీల్‌ చేశారు. ఇప్పుడు మరో కీలక పాత్రకు సంబంధించిన ప్రచార వీడియో రాబోతోందట. ‘పుష్ప’రాజ్‌కు సినిమా ప్రేయసి శ్రీవల్లిగా రష్మిక మందన కనిపిస్తోందని సమాచారం.
ఆమె మీద ఓ పాట కూడా ఉందట. ఆ పాటను సెప్టెంబరులో విడుదల చేస్తారని సమాచారం. అంటే ఇది రెండో సింగిల్‌ అన్నమాట. సినిమాను డిసెంబరులో క్రిస్మస్‌ కానుకగా విడుదల చేయాలని చిత్రబృందం నిర్ణయించింది. ఈలోగా నెలకో ఒక్కో సింగిల్‌ను విడుదల చేస్తూ ప్రచారం కొనసాగించాలని నిర్ణయించింది. అందులో భాగంగానే ఈ రెండో పాట రిలీజ్‌ చేస్తున్నారట. శ్రీవల్లి ప్రధాన పాత్రగా ఈ పాటను రూపొందించారట. ఈ వీడియోతోపాటు పాట మేకింగ్‌ వీడియోను చిత్రబృందం విడుదల చేస్తుందట.
‘పులి.. మేక’ పాటతో ఇప్పటికే రికార్డులు కొడుతున్న ‘పుష్ప’ మరి ఈ రెండో సింగిల్‌తో ఇంకేం చేస్తుందో చూడాలి. ఈ సినిమాలో రష్మిక ఎలా కనిపిస్తుందో అనే లుక్‌ ఇప్పటికే బయటకు వచ్చేసింది. ఆ మధ్య విడుదల చేసిన టీజర్‌లో రష్మికను సింగిల్‌ షాట్‌లో చూపించిన విషయం తెలిసిందే.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
