ఆర్‌.నారాయణమూర్తి.. ఈ పేరు వినగానే మనకు నిలువెత్తు ఉగ్రమైన రూపం కనిపిస్తుంది. ఆయన ఎలా మాట్లాడినా, ఏం మాట్లాడినా ఏదో ఒక ఎమోషన్‌తో సీరియస్‌గా మాట్లాడినట్లు కనిపిస్తుంది. ఆయన ఇప్పటివరకు తీసిన సినిమా ఎఫెక్ట్‌ వల్లనో ఇంకెదో కారణం వల్లనో మనకు అలా అనిపిస్తుంది. అలాంటి వ్యక్తి కోపమైతే, కోపంగా అరిస్తే.. ఇంకెలా ఉంటుంది. ‘సార్’ సినిమా సక్సెస్‌ మీట్‌ చూస్తే.. మీకే అర్థమవుతుంది. అవును, మీరు చదివింది కరెక్టే. మూర్తన్న కోపమయ్యారు.
ధనుష్‌ – వెంకీ అట్లూరి కాంబినేషన్‌లో ఇటీవల విడుదలైన చిత్రం ‘సార్’. విద్యావ్యవస్థ నేపథ్యంలో రూపొందిన ఈ సినిమా సక్సెస్‌ మీట్‌ను చిత్రబృందం ఇటీవల నిర్వహించింది. ఆ వేడుకకు ఆర్‌.నారాయణమూర్తి ఓ అతిథిగా హాజరయ్యారు. ఈ సందర్భంగా ఆయన స్టేజీ మీద మాట్లాడుతూ సినిమా గురించి, కథ గురించి, అందులోని నటీనటుల గురించి మాట్లాడారు. ఈ క్రమంలో హైపర్‌ ఆది గురించి మాట్లాడుతుండగా ఈ ఘటన జరిగింది. సినిమా గురించి అంతా మాట్లాడేసి దిగిపోతున్న సమయంలో మూర్తన్నకు హైపర్‌ ఆది గుర్తొచ్చారు.
దీంతో మళ్లీ మైక్‌ అందుకుని మాట్లాడటం ప్రారంభించారు. ఈ విషయం గమనించని యాంకర్‌ స్రవంతి చొక్కారపు తర్వాత ఈవెంట్‌ కోసం స్టేజీ మీద గెస్ట్‌లను పిలిచే పనిలో పడ్డారు. అలా వేరే వాళ్లను పిలుస్తుంటే.. ఈలోపు ఆర్‌.నారాయణమూర్తి కోపమయ్యారు. “ఏ పిల్లా ఆపు. ఏ అమ్మాయ్ టైరో… టైరో. స్టేజ్ మీద ఎవరు మాట్లాడుతున్నా కాసేపు ఆగండి. మాట్లాడిన తర్వాత పిలవండి. సభ్యతతో ఉండండి. ప్లీజ్” అంటూ తనదైన శైలిలో కాస్త సీరియస్‌ అయ్యారు.
ఆర్‌.నారాయణమూర్తి కోపానికి స్టేజి మీద ఉన్న వాళ్లు షాక్ అయ్యారు. ఎందుకలా ఆయన రియాక్ట్‌ అయ్యారు అంటూ ఆరా తీశారు. అయితే యాంకర్‌ అనుకోకుండా అలా పిలిచేశారని సమాచారం. మిగిలిన కార్యక్రమాల్లోనూ ఇలా ఒకరు మాట్లాడుతుండగా పిలిచిన దాఖలాలు ఉన్నాయి. కానీ ఆర్‌.నారాయణమూర్తి కోపమైన వీడియో ప్రస్తుతం సోషల్ మీడియాలో బాగా వైరల్ అవుతోంది.
సార్ సినిమా రివ్యూ & రేటింగ్!
‘గజిని’ మూవీ మిస్ చేసుకున్న హీరోలు ఎవరంటే?
టాప్ 10 రెమ్యూనరేషన్ తెలుగు హీరోలు…ఎంతో తెలుసా ?
కళ్యాణ్ రామ్ నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
