వరల్డ్ ఫేమస్ లవర్ సినిమా కోసం డబ్బింగ్ చెప్పుకున్న రాశీ

పాపం అందరూ లావైపోయావ్ అనేసరికి పంతం పట్టి బాగా చిక్కిపోయింది కానీ.. “ఊహలు గుసగుసలాడే నుండి సుప్రీం” వరకూ రాశీఖన్నా గ్లామర్ కు సపరేట్ ఫ్యాన్స్ బేస్ ఉండేది. అలాంటి అమ్మడు శ్రీనివాస కళ్యాణం సినిమాలో మరీ నాజూగ్గా కనిపించి అభిమానులను నిరాశపరిచింది. దాంతో.. మళ్ళీ కాస్త బొద్దుగా అయ్యే పనిలో పడింది రాశీ. ప్రస్తుతం తెలుగులో మూడు సినిమాలు, తమిళంలో రెండు సినిమాల్లో నటిస్తున్న రాశీఖన్నా కెరీర్ ఫుల్ ఫామ్ లో ఉంది.

అయితే.. విజయ్ దేవరకొండ సరసన నటిస్తున్న “వరల్డ్ ఫేమస్ లవర్” సినిమా కోసం మాత్రం అమ్మడు స్పెషల్ కేర్ తీసుకొంటోందని తెలుస్తోంది. ఈ సినిమా కోసం రాశీఖన్నా స్వయంగా డబ్బింగ్ కూడా చెప్పుకొందట. సాధారణంగానే తెలుగు బాగా మాట్లాడే రాశీ ఇప్పటివరకు ఎందుకో తన పాత్రకి డబ్బింగ్ మాత్రం చెప్పలేదు. అయితే.. దర్శకుడు క్రాంతి మాధవ్ ఈ పాత్రకి స్వంత డబ్బింగ్ ఉంటే బాగుంటుంది అని సలహా ఇవ్వడంతో స్వయంగా డబ్బింగ్ చెప్పిందట రాశీ. మరి ఆమె ఈ ప్రయత్నం ఎంతవరకూ వర్కవుట్ అయ్యింది అనేది తెలియాలంటే కొన్నాళ్లపాటు వెయిట్ చేయాల్సిందే.

మీకు మాత్రమే చెప్తా సినిమా రివ్యూ & రేటింగ్!
విజిల్ సినిమా రివ్యూ & రేటింగ్!
ఖైదీ సినిమా రివ్యూ & రేటింగ్!