సాధారణంగా పెద్ద సినిమాల పబ్లిసిటీ కోసం మేకర్స్ ఈ మధ్య కాలంలో కళ్లు చెదిరే స్థాయిలో ఖర్చు చేస్తున్నారు. కేజీఎఫ్ ఛాప్టర్2, ఆర్ఆర్ఆర్ సినిమాల మేకర్స్ పబ్లిసిటీ కోసమే ప్రత్యేకంగా బడ్జెట్ ను కేటాయిస్తున్నారు. అయితే పాన్ ఇండియా హీరో ప్రభాస్ నటించిన రాధేశ్యామ్ సినిమా విషయంలో మాత్రం మేకర్స్ పబ్లిసిటీని అస్సలు పట్టించుకోవడం లేదు. సినిమా రిలీజ్ కు తక్కువ సమయమే ఉన్నా ఈ సినిమా నిర్మాతలు అస్సలు హడావిడి చేయడం లేదు.
సోషల్ మీడియాలో కూడా ఈ సినిమాకు ఆశించిన స్థాయిలో ప్రమోషన్స్ జరగడం లేదనే సంగతి తెలిసిందే. రాధేశ్యామ్ మేకర్స్ ప్రమోషన్స్ విషయంలో నిర్లక్ష్యంగా వ్యవహరిస్తూ ఉండటంతో ప్రభాస్ అభిమానులు సైతం తెగ ఫీలవుతున్నారు. అయితే మేకర్స్ ఆలోచన మాత్రం మరో విధంగా ఉందని తెలుస్తోంది. ప్రభాస్ గత సినిమా సాహోపై భారీ స్థాయిలో అంచనాలు ఏర్పడగా సాహో తెలుగులో ఫ్లాప్ అయితే హిందీలో మాత్రం సక్సెస్ సాధించింది. భారీగా అంచనాలు ఏర్పడకపోతే సాహో సినిమా తెలుగులో కూడా సక్సెస్ సాధించేదనే కామెంట్లు వ్యక్తమయ్యాయి.
ఈ రీజన్ వల్లే రాధేశ్యామ్ మేకర్స్ ప్రమోషన్స్ విషయంలో ఆచితూచి వ్యవహరిస్తున్నారని తెలుస్తోంది. తక్కువ హైప్ తో సినిమాను రిలీజ్ చేస్తే అబవ్ యావరేజ్ టాక్ వచ్చినా బాక్సాఫీస్ వద్ద రాధేశ్యామ్ సినిమా హిట్ గా నిలిచే ఛాన్స్ ఉంటుంది. ప్రభాస్ రాధేశ్యామ్ సినిమాలో జ్యోతిష్కుడిగా కనిపించనున్నారు. కామెడీ ట్రాక్, యాక్షన్ సీన్లు లేకుండా రాధేశ్యామ్ సినిమా తెరకెక్కుతుండటం గమనార్హం. రాధేశ్యామ్ సినిమాకు ప్రమోషన్స్ సరిగ్గా చేయకపోయినా ఈ సినిమా రికార్డు స్థాయిలో థియేటర్లలో రిలీజ్ కానుందని సమాచారం అందుతోంది.
విడుదలకు కొన్నిరోజుల ముందు ఈ సినిమా ప్రీ రిలీజ్ ఈవెంట్ జరగనుందని సమాచారం. ప్రభాస్ పూజా హెగ్డే మధ్య మాటల్లేవని ప్రచారం జరుగుతుండగా ఈ రూమర్స్ గురించి ప్రభాస్, పూజ ఎలా స్పందిస్తారో చూడాలి.
Most Recommended Video
బ్రహ్మానందం కామెడీతో హిట్టైన 10 సినిమాల లిస్ట్..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
