ఊహ‌కంద‌ని క్లైమాక్స్ కోసం.. ఓ రేంజ్‌లో సెట‌ప్ చేస్తున్నారా..?

పాన్ ఇండియా స్టార్‌గా మారిన డార్లింగ్ ప్ర‌భాస్ ప్ర‌స్తుతం జిల్ ఫేమ్ రాధాకృష్ణ ద‌ర్శ‌క‌త్వంలో రాధే శ్యామ్ మూవీ చిత్రీక‌ర‌ణ‌లో పాల్గొంటున్న సంగ‌తి తెలిసిందే. ముగింపు ద‌శ‌కు చేరుకున్న ఈ మూవీ సంబంధించి ఓ వార్త ఇప్పుడు సోష‌ల్ మీడియాలో జోరుగా చ‌క్క‌ర్లు కొడుతోంది. ఇటీవ‌ల ఇట‌లీ షెడ్యూల్ విజ‌య‌వంతంగా పూర్తి చేసుకున్న రాధే శ్యామ్ టీమ్, హైద‌రాబాద్‌లో ఫైన‌ల్ షెడ్యూల్ ప‌నుల్లో బిజీగా ఉంది. సినిమాకి కీల‌క‌మైన పార్ట్ కావ‌డంతో మేక‌ర్స్ ప‌ర్‌ఫెక్ట్‌గా ప్లాన్ చేస్తున్నార‌ని టాక్.

ఇక అస‌లు మ్యాట‌ర్ ఏంటంటే.. స్వ‌చ్ఛ‌మైన ప్రేమ కావ్యంగా తెర‌కెక్కుతున్న ఈ మూవీలో సినీ ప్రియుల్ని మైండ్‌బ్లాక్ చేసే ఓ స్ట‌న్నింగ్ యాక్ష‌న్ ఎపిసోడ్ ఉంటుంద‌ని తెలుస్తోంది. అందుకోసమే దాదాపు 30 కోట్ల‌కు పైగానే ఖ‌ర్చుచేస్తున్నార‌నే టాక్ వినిపిస్తుంది. హాలీవుడ్ యాక్ష‌న్ డైరెక్ట‌ర్ నిక్ పోవెల్ అండ్ టీమ్ హైద‌రాబాద్‌లో వేసిన భారీ సెట్‌లో, ప్రేక్ష‌కుడికి ఊహ‌కంద‌ని యాక్ష‌న్ పార్ట్ చిత్రీక‌రించ‌బోతున్నార‌ని సమాచారం. పీరియాడిక్ డ్రామా కావ‌డంతో ఈ క్లైమాక్స్‌ యాక్ష‌న్ బ్లాక్ ఓ రేంజ్‌లో ఉండేలా మేకర్స్ ప్లాన్ చేస్తున్నారు.

ఈ క్ర‌మంలో భారీ సెట్ నిర్మాణం పూర్తి కావొస్తుంద‌ని, త్వ‌ర‌లోనే చిత్రీక‌ర‌ణ మొద‌ల‌వుతోంద‌ని తెలుస్తోంది. మ‌రి ఈ ఛాలెంజింగ్ సీన్స్‌లో ప్ర‌భాస్‌ను ఎలా ప్రెజెంట్ చేస్తార‌నేది చూడాలి. ఇక ఈ చిత్రాన్ని యూవీ క్రియేష‌న్స్ భారీ బ‌డ్జెట్‌లో నిర్మిస్తుండ‌గా, పూజా హెగ్డే హీరోయిన్‌గా న‌టిస్తున్న సంగ‌తి తెలిసిందే. తెలుగుతో పాటు తమిళ, మలయాళ, కన్నడ, హిందీలో ఒకేసారి వ‌చ్చే ఏడాడి సంక్రాతికి రాధే శ్యామ్ మూవీని విడుద‌ల చేసేందుకు మేక‌ర్స్ సిద్ధ‌మ‌వుతున్నారు.

Most Recommended Video

ఆకాశం నీ హద్దు రా సినిమా రివ్యూ & రేటింగ్!
‘బిగ్ బాస్ 4’ లో ఎవరి పారితోషికం ఎంత.. ఎక్కువ ఎవరికి..?
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!