Raghava Lawrence: ఆ ఇద్దరు డైరెక్టర్లకి గోల్డెన్ ఛాన్స్ ఇచ్చాడు.. వర్కౌట్ అవుతుందా..!

సినీ పరిశ్రమలో ఎవరి టైం ఎలా నడుస్తుందో చెప్పలేని పరిస్థితి. ఇక్కడ ప్రతి శుక్రవారం లెక్కలు మారిపోతూ ఉంటాయి. అలాగే ఎవరి టైం ఎన్నాళ్ళు నడుస్తుందో కూడా చెప్పలేము. విషయంలోకి వెళితే ఒకప్పుడు స్టార్ డైరెక్టర్లు అందులోనూ ఎన్నో బ్లాక్ బస్టర్లు, ఇండస్ట్రీ హిట్లు ఇచ్చిన డైరెక్టర్లు.. ఇప్పటి ట్రెండ్ కు తగ్గట్టు సినిమాలు చేయలేకపోతున్నారు. వాళ్ళే మరెవరో కాదు.. కోలీవుడ్ సీనియర్ స్టార్ దర్శకులు అయిన పి.వాసు, కె.ఎస్.రవికుమార్..! అప్పట్లో వీళ్ళతో సినిమాలు చేయడానికి స్టార్ హీరోలు రెడీగా ఉండేవారు.

కానీ ఇప్పుడు ఆ పరిస్థితి లేదు.వీళ్ళతో సినిమాలు అంటే అక్కడి హీరోలు సైడ్ అయిపోతున్నారు. అందుకే టాలీవుడ్ కు వచ్చి ఇక్కడి స్టార్ హీరోలతో సినిమాలు చేశారు. పి.వాసు విషయానికి వస్తే.. నాగార్జునతో ‘కృష్ణార్జున’, వెంకటేష్ తో ‘నాగవల్లి’, బాలకృష్ణ తో ‘మహారథి’ వంటి చిత్రాలు చేశాడు. ఇవి హిట్లు కాకపోగా ఈ హీరోలను నవ్వుల పాలు చేశాయి. ఇక కె.ఎస్.రవికుమార్ విషయానికి వస్తే.. రజినీకాంత్ కు ‘లింగ’ వంటి డిజాస్టర్ ఇవ్వడంతో కోలీవుడ్ హీరోలు ఈయనతో సినిమా చేయడానికి నిరాకరించారు.

అందుకే టాలీవుడ్ కు వచ్చి బాలయ్య తో ‘జైసింహా’ ‘రూలర్’ వంటి సినిమాలు చేశారు.’జై సింహా’ ఓ మాదిరిగా ఆడింది. కానీ ‘రూలర్’ డిజాస్టర్ అయ్యింది. ఈ ఫేడౌట్ అయిపోయిన దర్శకులకు రాఘవ లారెన్స్ అవకాశం ఇచ్చాడు. పి.వాసు తో ‘చంద్రముఖి 2’ చేస్తున్న లారెన్స్…

కె.ఎస్.రవికుమార్ దర్శకత్వంలో కూడా ఓ చిత్రాన్ని ఈ మధ్యనే మొదలుపెట్టాడు. లారెన్స్ కు మాస్ ఆడియన్స్ లో మంచి పట్టు ఉంది. కాబట్టి ఈ సినిమాలు మినిమమ్ గ్యారెంటీ అని బయ్యర్స్ కూడా భావిస్తున్నారు. మరి వారి నమ్మకం ఎంత బలమైనదో చూడాలి..!

ఫస్ట్ హాఫ్ లో భారీ నుండి అతి భారీగా ప్లాప్ అయిన 15 సినిమాల లిస్ట్..!

Most Recommended Video

టాలీవుడ్ లో రీ ఎంట్రీ ఇవ్వబోతున్న 10 మంది హీరోయిన్స్ లిస్ట్..!
అభిమానులకు అవకాశాలు ఇచ్చి బ్లాక్ బస్టర్లు అందుకున్న హీరోలు..!
ఈ ఏడాది బాక్సాఫీస్ వద్ద సక్సెస్ అయిన 13 సినిమాల లిస్ట్..!