సినిమా కోసం హీరోలు లుక్‌లు మార్చడం మనం ఇటీవల కాలంలో చూస్తున్నాం. అంటే సినిమాకో లుక్ ఉండాలి అని.. హీరోలు, దర్శకులు అనుకోవడమే దీనికి కారణం. ముఖ్యంగా రకరకాల సినిమాలు చేద్దాం అనుకునే హీరోలు ఉన్నప్పుడు ఇది ఎక్కువగా ఉంటుంది. దీనికి మేకోవర్‌ అదనం. అంటే బాడీ ఫిట్‌నెస్‌, లుక్.. ఇలా చాలా మార్పులు ఉంటాయి హీరో పాత్రకు. దీనికి రాజమౌళి కూడా అతీతం కాదు. జక్కన్న సినిమా అంటే హీరో లుక్ మారాల్సిందే. అయితే ఇప్పుడు అలాంటిదేం లేదు అంటున్నారు.
మహేష్‌బాబుతో రాజమౌళి సినిమా ఎప్పుడో చాలా రోజుల క్రితం అనౌన్స్‌ అయిన విషయం తెలిసిందే. కేఎల్‌ నారాయణ నిర్మాణంలో ఈ సినిమా ఉండనుంది. త్రివిక్రమ్‌ సినిమా అయిపోయిన తర్వాత ఈ సినిమాను ప్రారంభిస్తారు. ఆ లెక్కన 2023 ఆఖరులో సినిమా స్టార్ట్‌ అవ్వొచ్చు అనుకుంటున్నారు. అయితే ఈ సినిమా గురించి రాజమౌళి ఇటీవల చేసిన కొన్ని కామెంట్స్ ఇప్పుడు వైరల్‌గా మారాయి. ఈ సినిమా గురించి మహేష్ లుక్‌లో ఎలాంటి మార్పులు అవసరం లేదని జక్కన్న అన్నట్లు వార్తలొస్తున్నాయి.
సాహసోపేతంగా సాగే కథల్లో మహేష్ బాబు కనిపిస్తే చాలా బాగుంటుంది. ఎప్పట్నుంచో నా మనసులో అలాంటి ఆలోచనే ఉంది. అలాగే ‘ఇండియానా జోన్స్‌’ సిరీస్ తరహా సినిమా చేయాలని నేను ఎప్పటినుండో అనుకుంటున్నాను. ఆ సిరీస్ అంటే నాకు చాలా ఇష్టం. అయితే ఇప్పుడు అలాంటి సినిమా చేయడానికి సరైన సమయం వచ్చింది. అందుకే గ్లోబ్‌ ట్రాటింగ్‌ అడ్వంచరస్‌ సినిమాగా మహేష్ సినిమాను రూపొందించాలని అనుకుంటున్నాను అని చెప్పారు జక్కన్న.
అయితే మహేష్ లుక్‌లో ఎలాంటి మార్పులు ఉండవు అని రాజమౌళి అనుకుంటున్నట్లు సమాచారం. ఈ సినిమా కోసం మహేష్ లుక్‌లో పెద్ద మార్పులేమీ ఉండవని అంటున్నారు. సినిమా కోసం సిద్ధం చేసిన అడ్వంచరెస్‌ కథకు మహేష్ ఇప్పుడున్న లుక్ సరిపోతుందని జక్కన్న భావిస్తున్నారట. ఈ సినిమాకు సంబంధంచి మహేష్ లుక్, బాడీలో ఎలాంటి ట్రాన్స్ ఫర్మేషన్ అవసరం లేదని రాజమౌళి అభిప్రాయపడుతున్నారట.
లవ్ టుడే సినిమా రివ్యూ& రేటింగ్!
తోడేలు సినిమా రివ్యూ & రేటింగ్!
ఇట్లు మారేడుమిల్లి ప్రజానీకం సినిమా రివ్యూ & రేటింగ్!
ఇప్పటి వరకు బాలయ్య పేరుతో వచ్చిన పాటలు ఇవే..
