దర్శకధీరుడు ఎస్.ఎస్.రాజమౌళి సినిమాలను అద్భుతంగా తీయడమే కాదు.. ఆ సినిమా పబ్లిసిటీ కూడా అంతే చక్కగా చేస్తారు. సినిమా మొదలు నుంచి రిలీజ్ వరకు క్రేజ్ తగ్గకుండా ప్రచారం చేయడంలో దిట్ట. ఆ మంచి పేరు బాహుబలి కంక్లూజన్ మూవీకి చిక్కులు తెట్టిపెట్టేలా ఉంది. పోస్ట్ ప్రొడక్షన్ దశలో ఉన్న ఈ ఫిల్మ్ రిలీజ్ కి ముందే ఏరియా హక్కులు, శాటిలైట్ హక్కుల రూపంలో 500 కోట్ల బిజినెస్ చేసిందని నిన్న ఇండియన్ మూవీ ఇండస్ట్రీ ట్రాకర్ రమేశ్ బాల ట్వీట్ చేశారు. ఆయన మాటపై సినీ ప్రముఖులకు ఎంతో నమ్మకం ఉంది. అటువంటి వ్యక్తి బాహుబలి 2 గురించి స్పందించడంపై ఆనందం వ్యక్తం చేశారు.
తెలుగు సినిమా మార్కెట్ పరిధి విస్తరించిందని సంతోషపడ్డారు. కొంతమంది మాత్రం ఈ లెక్కలను నమ్మలేకపొతున్నారు. దీని వెనుక రాజమౌళి హస్తముందని ఆరోపిస్తున్నారు. బాహుబలి బిగినింగ్ కి కొనసాగింపుగా వస్తున్న ఈ చిత్రంపై ప్రపంచవ్యాప్తంగా క్రేజ్ ఉన్న మాట వాస్తవమే కానీ ఏరియా హక్కుల ధరలు సంప్రదింపుల దశలోనే ఉందని, ఇంకా సంతకాలు పూర్తికాలేదని చెబుతున్నారు. ఎక్కువ ధరకు అమ్మాలనే ఉద్దేశంతో జక్కన్న, రమేశ్ బాల ద్వారా రేట్లు ప్రకటించినట్లు విమర్శిస్తున్నారు. ఇందులో ఎంతవరకు వాస్తవం ఉందో తెలియాలంటే బాహుబలి బృందం నోరు మెదిపేవరకు ఆగాల్సిందే.
Also, do SUBSCRIBE to our YouTube channel to get latest Tollywood updates.
