రాజమౌళి నెక్స్ట్ సినిమాలో హీరోగా వినిపిస్తున్న ఎన్టీఆర్, మహేష్, బన్నీల పేర్లు
August 12, 2017 / 11:05 AM IST
|Follow Us
బాహుబలి సినిమాతో రాజమౌళి స్థాయి అమాంతం పెరిగిపోయింది. అతనితో సినిమా నిర్మించాలని భారీ రెమ్యునరేషన్ తో బాలీవుడ్ నిర్మాతలు క్యూలో ఉన్నారు. అయినా జక్కన్న ఇదివరకు ఇచ్చిన మాటను నిలబెట్టుకుంటున్నారు. గతంలో సినిమా చేస్తానని డీవీవీ దానయ్య వద్ద రాజమౌళి అడ్వాన్స్ తీసుకున్నారు. అప్పటికి, ఇప్పటికి పరిస్థితుల్లో మార్పు వచ్చినా ఆయన బ్యానర్లోనే మూవీ చేయనున్నట్లు సమాచారం. రాజమౌళి స్థాయికి తగ్గట్టు ఖర్చుచేయడానికి దానయ్య రెడీగా ఉన్నారు. ప్రస్తుతం దానయ్య మహేష్ బాబుతో ‘భరత్ అను నేను’ సినిమాను నిర్మిస్తున్నారు.
కొరటాల శివ దర్శకత్వం వహిస్తున్న మూవీ వేగంగా షూటింగ్ జరుపుకుంటోంది. దీని తర్వాత రాజమౌళి సినిమాను ప్రొడ్యూస్ చేయనున్నారు. రాజమౌళి, దానయ్య కలయికలో రానున్న సినిమాలో హీరోగా ఎన్టీఆర్, మహేష్, బన్నీ పేర్లు వినిపిస్తున్నాయి. వీరిలో కథకు సూటయ్యే వారిని రాజమౌళి సెలక్ట్ చేసుకోనున్నారు. ఆ హీరో ఎవరనేది తెలుసుకోవాలంటే మాత్రం కొన్ని రోజులు ఆగాల్సిందే.
Also, do SUBSCRIBE to our YouTube channel to get latest Tollywood updates.