ఎన్టీఆర్ ఫ్యాన్స్ ని ఉత్కంఠతో చంపేస్తున్న రాజమౌళి

ఎన్టీఆర్ ఫ్యాన్స్ మదిలో మెదులుతున్న మిలియన్ డాలర్ ప్రశ్న మే 20న ఆర్ ఆర్ ఆర్ నుండి ఎన్టీఆర్ ఫస్ట్ లుక్ వీడియో వస్తుందా లేదా? ఈ సందేహం వారిని తీవ్ర ఒత్తిడికి గురిచేస్తుంది. ఎందుకంటే ఎన్టీఆర్ పుట్టిన రోజు ఇంకా ఎంతో దూరం లేదు. అయినా రాజమౌళి నుండి దీనిపైనా ఎటువంటి ప్రకటన లేదు. ఆయన ఎన్టీఆర్ ఫస్ట్ లుక్ వీడియో ఉంటుంది లేనిది చెప్పడం లేదు. ఐతే ఏదైనా రాజమౌళి ఒక్క రోజు ముందే తెలియజేస్తాడు. కాబట్టి మే 19 లేదా 18 తేదీలలో ఎన్టీఆర్ ఫస్ట్ లుక్ వీడియోపై స్పష్టత వచ్చే అవకాశం కలదు.

కొద్దిరోజుల క్రితం రాజమౌళి ఎన్టీఆర్ ఫస్ట్ లుక్ వీడియో కోసం తగిన మెటీరియల్ దగ్గరలేదు అన్నారు. అలాగే లాక్డౌన్ కారణంగా షూటింగ్ జరిపే ఆస్కారం కూడా లేదని నిస్సహాయతను తెలియజేశాడు. అప్పటి నుండి ఆర్ ఆర్ ఆర్ నుండి ఎన్టీఆర్ ఫస్ట్ లుక్ వీడియో ఉండకపోవచ్చనే వార్తలు వినిపిస్తున్నాయి. ఐతే ఇప్పటికే 70 శాతానికి పైగా మూవీ షూటింగ్ పూర్తి అయిన నేపథ్యంలో రాజమౌళి ఖచ్చితంగా ఫస్ట్ లుక్ వీడియో సిద్ధం చేస్తాడు అని కొందరు ఫ్యాన్స్ నమ్మకం పెట్టుకున్నారు.

ఇలాంటి పరిస్థితుల నేపథ్యంలో కనీసం రాజమౌళి ఎదో ఒక ప్రకటన చేసి ఫ్యాన్స్ ఉత్కంఠకు తెరదింపితే బెటర్ అని కొందరి భావన. రామ్ చరణ్ ఫస్ట్ లుక్ వీడియో అద్భుతంగా వచ్చిన తరుణంలో ఎన్టీఆర్ ఫ్యాన్స్ ఆయన వీడియోపై కూడా భారీ హోప్స్ పెట్టుకున్నారు. ఇక ఆర్ ఆర్ ఆర్ ని నిర్మాత దానయ్య 400 కోట్లకు పైగా బడ్జెట్ తో నిర్మిస్తుండగా, 2021 జనవరి 8న సంక్రాంతి కానుకగా విడుదల కానుంది.

Most Recommended Video

దిల్ రాజు రెండో పెళ్ళి చేసుకున్న అమ్మాయి ఎవరో తెలుసా?
ఈ ఏడు రీజన్స్ తెలిస్తే ఆర్ ఆర్ ఆర్ ని వదిలిపెట్టరు
అతి తక్కువ వయసులో లోకం విడిచిన తారలు