స్టార్ డైరెక్టర్ రాజమౌళి దర్శకుడిగా సక్సెస్ సాధించడానికి విజయేంద్ర ప్రసాద్ ఒక విధంగా కారణమనే సంగతి తెలిసిందే. రాజమౌళి ప్రతి సినిమాకు విజయేంద్ర ప్రసాద్ కథ అందించి జక్కన్న పనిని తేలిక చేస్తుంటారు. విజయేంద్ర ప్రసాద్ కథలు రాజమౌళి సినిమాల రూపంలో తెలుగు ప్రేక్షకులతో పాటు ఇతర రాష్ట్రాలు, విదేశీ ప్రేక్షకుల ఆదరణను సైతం పొందాయి. దర్శకుడిగా విజయేంద్ర ప్రసాద్ సక్సెస్ సాధించకపోయినా రచయితగా మాత్రం సక్సెస్ అయ్యారు. తాజాగా ఒక ఇంటర్వ్యూలో విజయేంద్ర ప్రసాద్ రాజమౌళి గురించి మాట్లాడుతూ ఆసక్తికర విషయాలను వెల్లడించారు.
తాను చెప్పే స్టోరీ ఐడియాస్ లో కేవలం 10 శాతం మాత్రమే రాజమౌళికి నచ్చుతాయని విజయేంద్ర ప్రసాద్ చెప్పుకొచ్చారు. జక్కన్నను ఇంప్రెస్ చేయడం తేలిక కాదని విజయేంద్ర ప్రసాద్ చెప్పకనే చెప్పేశారు. విజయేంద్ర ప్రసాద్ కు ఏదైనా కథ బాగా నచ్చినా రాజమౌళికి నచ్చకపోతే ఆ కథ విషయంలో జక్కన్న తండ్రి మాట కూడా వినరని అర్థమవుతోంది. రాజమౌళి దర్శకత్వం వహిస్తున్న ఆర్ఆర్ఆర్ అక్టోబర్ 13వ తేదీన రిలీజ్ కానున్న సంగతి తెలిసిందే.
రాజమౌళి ఆర్ఆర్ఆర్ ప్రమోషన్స్ విషయంలో వేగం పెంచడంతో ఆర్ఆర్ఆర్ రిలీజ్ డేట్ విషయంలో సందేహాలు తొలగిపోతున్నాయి. ఆర్ఆర్ఆర్ రిలీజయ్యే సమయానికి ఏపీలో టికెట్ రేట్లు కూడా పెరిగే అవకాశాలు అయితే ఉన్నాయి. ఆర్ఆర్ఆర్ తర్వాత మహేష్ రాజమౌళి కాంబో మూవీ పట్టాలెక్కనుండగా ఈ సినిమా జంగిల్ బేస్డ్ అడ్వెంచరస్ మూవీ కావడం గమనార్హం. దాదాపు 500 కోట్ల రూపాయల బడ్జెట్ తో ఈ సినిమా తెరకెక్కనుందని వార్తలు వస్తున్నాయి.
Most Recommended Video
‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!
