Rajamouli: కరణ్ జోహార్ కు రాజమౌళి రిటర్న్ గిఫ్ట్

టాలీవుడ్ సినిమా ఇండస్ట్రీలో వరుస విజయాల అనంతరం దర్శకుడు రాజమౌళి ఒక్క బాహుబలి సినిమాతోనే ప్రపంచ వ్యాప్తంగా భారీ స్థాయిలో క్రేజ్ అందుకున్నారు. ఇక బాలీవుడ్ లో కూడా ఆయనకు ఆఫర్స్ ఇవ్వడానికి నిర్మాతలు సిద్ధంగా ఉన్నారు. వెయ్యి కోట్లు ఖర్చు చేయడానికి కూడా వెనుకాడని ప్రొడ్యూసర్స్ ఉన్నారు. ఇక సినిమా స్టార్స్ గురించి ప్రత్యేకంగా చెప్పనవసరం లేదు రాజమౌళి డేట్స్ అడిగితే ఇవ్వడానికి మిగతా ఆఫర్స్ కూడా క్యాన్సిల్ చేసుకునే ఆలోచనలో ఉంటారు.

ఇక రాజమౌళి కూడా గతంలో తనకు సహాయం చేసిన వారికి వీలైనంత వరకు ఎంతో కొంత హెల్ప్ అయ్యే విధంగా ప్రయత్నం చేస్తున్నారు. బాలీవుడ్లో బాహుబలి సినిమా సక్సెస్ అవ్వడానికి ప్రధాన కారణం సినిమా కథ అయినప్పటికీ కూడా ఆ సినిమా ఎక్కువ స్థాయిలో కలెక్షన్స్ అందుకోవడంలో కీలక పాత్ర పోషించిన వారు కరణ్ జోహార్. ఇక ఎలాంటి సినిమా చేసినా కూడా కరణ్ వీలైనంత వరకు ఎక్కువ ప్రమోషన్ తోనే భారీ స్థాయిలో కలెక్షన్స్ వచ్చేలా ప్రణాళికలు రచిస్తూ ఉంటాడు.

ఇక బాహుబలి సినిమా విషయంలో కూడా ఆయన ఇచ్చిన సలహాలు రిలీజ్ చేసిన విధానం చాలా బాగా ఉపయోగపడ్డాయి. ఆ విషయాన్ని గుర్తుంచుకుని రాజమౌళి ఇప్పుడు కరణ్ కు రిటర్న్ గిఫ్ట్ ఇవ్వాలని డిసైడ్ అయ్యాడు. బ్రహ్మాస్త్ర సినిమాను ప్రమోట్ చేయడానికి రాజమౌళి బాధ్యతలు తీసుకున్నారు. ఆయన ముఖర్జీ దర్శకత్వంలో తెరకెక్కుతున్న బ్రహ్మాస్త్ర సినిమా ధర్మ ప్రొడక్షన్స్ లో కరణ్ జోహార్ పాన్ ఇండియా ప్రాజెక్ట్ గా నిర్మిస్తున్నారు. ఇక 2022 చివర్లో ప్రేక్షకుల ముందుకు రాబోతున్న ఈ సినిమాను సౌత్ లో భారీగా విడుదల చేసేందుకు రాజమౌళి బ్రాండ్ ను కరణ్ జోహార్ ఉపయోగించుకుంటున్నారు.

రాజమౌళి సమర్పణలో తెలుగు తమిళ్ మలయాళం కన్నడ భాషల్లో బ్రహ్మాస్త్ర సినిమాను విడుదల చేయనున్నారు. ఇక రాజమౌళి నేడు నిర్వహించిన మొదటి ప్రెస్ మీట్ లో కూడా సినిమా పై పాజిటివ్ కామెంట్స్ చేశాడు. గతంలో కెజిఎఫ్ సినిమాను కూడా రాజమౌళి సౌత్ ఇండస్ట్రీ లో ప్రత్యేకంగా ప్రమోట్ చేయడంతో ఆ సినిమాకు మంచి క్రేజ్ దక్కింది. ఇక ఇప్పుడు బ్రహ్మాస్త్ర సినిమాను కూడా అదే స్థాయిలో ప్రమోట్ చేయడానికి సిద్ధమయ్యారు. మరి ఈ సినిమా ఏ స్థాయిలో వసూళ్లను అందుకుంటుందో చూడాలి.

పుష్ప: ది రైజ్ సినిమా రివ్యూ & రేటింగ్!

Most Recommended Video

‘పుష్ప’ చిత్రంలో ఆకర్షించే అంశాలు..!
‘అంతం’ టు ‘సైరా’.. నిరాశపరిచిన బైలింగ్యువల్ సినిమాల లిస్ట్..!
పవర్ ఆఫ్ పబ్లిక్ సర్వెంట్ అంటే చూపించిన 11 మంది టాలీవుడ్ స్టార్లు..!