బాహుబలి కంక్లూజన్ రిలీజ్ టైమ్ దగ్గరపడుతోంది. మరో రెండునెలల్లో బాహుబలిని కట్టప్ప ఎందుకు చంపాడో అనే విషయం తెలియనుంది. దర్శకధీరుడు ఎస్.ఎస్. రాజమౌళి, యంగ్ రెబల్ స్టార్ ప్రభాస్ కాంబినేషన్లో వచ్చిన బాహుబలి బిగినింగ్ ప్రపంచవ్యాప్తంగా కలక్షన్ల వర్షం కురిపించింది. ఇందుకు కొనసాగింపుగా వస్తున్న బాహుబలి కంక్లూజన్ షూటింగ్ పూర్తి చేసుకొని వీఎఫ్ఎక్స్ వర్క్ జరుపుకుంటోంది. జక్కన్న మహా శివరాత్రి నుంచి సినిమా ప్రచారాన్ని మొదలెట్టారు. ఈ చిత్రానికి సంబంధిన తొలి ఇంటర్వ్యూ శుక్రవారం మీడియాలో ప్రసారమైంది. ఇందులో ఈ మూవీ ట్రైలర్ రిలీజ్ గురించి రాజమౌళి మాట్లాడారు.
‘ట్రైలర్ రిలీజ్ డేట్ చెప్పడానికి కొంచెం ప్రాక్టికల్ ఇబ్బంది ఉంది. ట్రైలర్ కట్ పూర్తి అయింది. అందులో కొన్ని సీజీ షాట్స్ ఉన్నాయి. అవి వచ్చినప్పుడు ప్రకటిస్తాం. డేట్ కరక్ట్ గా చెప్పలేము కానీ మిడ్ మార్చిలో వస్తుంది.” అని చెప్పారు. మోషన్ పోస్టర్స్ ద్వారా బాహుబలి 2 పై అంచనాలను పెంచేస్తున్న రాజమౌళి.. టీజర్ తో ఇంకెంత ఆతృతను పెంచుతారోనని ఎదురుచూస్తున్నారు. ఆర్కా మీడియా వర్క్స్‌ పతాకంపై ప్రసాద్‌ దేవినేని, శోభు యార్లగడ్డ నిర్మిస్తున్న ఈ చిత్రం ఏప్రిల్ 28 న రిలీజ్ కానుంది.
Also, do SUBSCRIBE to our YouTube channel to get latest Tollywood updates.
