‘దృశ్యం 2’కి రాజమౌళి రివ్యూ చూశారా?

కొత్త సినిమాలు విడుదలైన వెంటనే వెబ్‌సైట్లు రివ్యూలు రాస్తుంటాయి. టాలీవుడ్‌ హీరోల్లో అయితే మహేష్‌బాబు ఇలాంటి రివ్యూలకు ఫేమస్‌. సోషల్‌ మీడియాలో మహేష్‌ రివ్యూల గురించి అందరికీ తెలిసిందే. మిగిలిన హీరోలు కూడా రివ్యూలు ఇచ్చినా… అది అప్పుడప్పుడే. దర్శకుల విషయానికొస్తే… వేరే సినిమా హిట్‌ అవ్వగానే రాజమౌళి రివ్యూలు ఇస్తుంటారు. సోషల్‌ మీడియాలో ఆయన సినిమా మీద అభిప్రాయాలు చెబుతుంటారు. తాజాగా ఆయన ‘దృశ్యం 2’ సినిమాను చూశారట. ఆ వెంటనే దర్శకుడు జీతూ జోసెఫ్‌కు మెసేజ్‌ చేశారట.

మలయాళ చిత్రాలు ‘దృశ్యం’, ‘దృశ్యం 2’ దర్శకుడు జీతూ జోసెఫ్‌ని ప్రముఖ టాలీవుడ్‌ దర్శకుడు రాజమౌళి ప్రశంసించారు. వ్యక్తిగతంగా (వాట్సాప్‌ వేదికగా) సినిమాపై తన అభిప్రాయాన్ని పంచుకున్నారు. ‘‘హాయ్‌ జీతూ, నేను దర్శకుడు రాజమౌళిని. ఇటీవల‘దృశ్యం 2’చూశా. చూసిన తర్వాత ఆలోచలన్నీ సినిమా చుట్టూనే తిరుగుతున్నాయి. వెంటనే మళ్లీ ఒకసారి మలయాళ ‘దృశ్యం’ చూశా. (తెలుగులో విడుదలైన వెంటనే ఆ సినిమా అప్పుడే చూశా) దర్శకత్వం, స్క్రీన్‌ ప్లే, ఎడిటింగ్‌, యాక్టింగ్‌.. ప్రతీ విభాగం అద్భుతంగా ఉంది. రచనా విధానం గొప్పగా ఉంది. ప్రపంచ స్థాయి ప్రమాణాలున్న కథ ఇది.

‘దృశ్యం’ ఒక మాస్టర్‌పీస్‌. అదే ఉత్కంఠతో ‘దృశ్యం 2’ని తీసుకురావడం గొప్ప విషయం. మీ నుంచి మరిన్ని మాస్టర్‌పీస్‌ చిత్రాలు రావాలని కోరుకుంటున్నాను’’ అని జీతూకి సందేశం పంపించారు రాజమౌళి. రాజమౌళి పంపించిన సందేశాన్ని ఇన్‌స్టాగ్రామ్‌ వేదికగా అభిమానులతో పంచుకుంటూ కృతజ్ఞతలు తెలియజేశారు జీతూ జోసెఫ్‌. మోహన్‌ లాల్‌, మీనా ప్రధాన పాత్రల్లో తెరకెక్కిన ‘దృశ్యం 2’ ఓటీటీ వేదికగా ఇటీవల వచ్చింది. ప్రస్తుతం ఇదే సినిమాను తెలుగులో వెంకటేశ్‌ కథానాయకుడుగా తెరకెక్కిస్తున్నారు జీతూ జోసెఫ్‌.

Most Recommended Video

శ్రీకారం సినిమా రివ్యూ & రేటింగ్!
జాతి రత్నాలు సినిమా రివ్యూ & రేటింగ్!
గాలి సంపత్ సినిమా రివ్యూ & రేటింగ్!