ఎన్టీఆర్ టాలెంట్ ని మరోసారి బయటపెట్టిన జక్కన్న

టాలీవుడ్ నుంచి పొలిటికల్ ప్రచారం వరకూ యంగ్ టైగర్ ఎన్టీఆర్ స్టామినా ఏంటో మన అందరికీ తెలిసిందే…అయితే అదే క్రమంలో ఎన్టీఆర్ సినిమాల్లో బిజీ కారణంగా పాలిటిక్స్ కి కాస్త దూరంగా ఉంటున్నాడు…మాడిపోయిన మసాలా వార్తలు రాసుకునే ప్రతీ వాడు ఎన్టీఆర్ కి తెలుగుదేశం పార్టీకి మధ్య ఏదో అయిపోయింది అని, రకరకాలుగా రాస్తూ ఉన్న క్రమంలో ఎన్టీఆర్ పొలిటికల్ ఫ్యూచర్ పై ప్రముఖ దర్శకుడు రాజమౌళి చెప్పిన జోస్యం అందరినీ ఆశ్చర్య పరచింది…అయితే సరదాగా అనుకున్న సంధర్భమే అయినా…ఆ స్టేట్మెంట్ నిజమే అన్నంత బలాన్ని చేకూర్చింది…విషయంలోకి వెళితే…

‘బాహుబలి 2’ తరువాత నేషనల్ సెలెబ్రెటీగా మారిపోయాడు మన రాజమౌళి…ఇప్పుడు తాను సినిమా చేస్తాను అనాలే కానీ…సాక్షాత్తూ బిగ్ బీ కూడా డేట్స్ ఇచ్చే అవకాశాలు చాలానే ఉన్నాయి. అయితే అతిధిగా ఎన్నో కార్యక్రమాలకు హాజరు అవుతున్న రాజమౌళి…అదే క్రమంలో రానా ఒక ప్రముఖ ఛానల్ కోసం నిర్వహిస్తున్న ‘నెం.1 యారి’ షోకు అతిధిగా వచ్చాడు. ఇక రానా అడిగిన ఒక ర్యాపిడ్ ప్రశ్నా కార్యక్రమంలో కొన్ని ఆసక్తికర సమాధానాలు ఇచ్చాడు మన జక్కన్న. అదేంటి అంటే….దానికి ఎన్టీఆర్ పొలిటికల్ కరియర్ కి లింక్ ఏంటి అంటే ఒకసారి ఈ కధ చదవండి…విషయంలోకి వెళితే…

ప్రస్తుతం టాలీవుడ్ ను షేక్ చేస్తున్న కొంతమంది టాప్ హీరోలు సినిమాలలోకి రాకుండా వేరే వృత్తులలో నిలదోక్కుకోవలసిన పరిస్థుతులు ఏర్పడితే వారు ఏ రంగాలకు బాగా సూటుఅవుతారు అని రానా అడిగిన ప్రశ్నకు ఆసక్తికర సమాధానం ఇచ్చాడు జక్కన్న. అందులో మిగిలిన హీరోల మాట ఎలా ఉన్నా…ఎన్టీఆర్ సినిమాలలోకి రాకుండా ఉండి ఉంటే ఈసమయానికే రాజకీయాలలోకి వెళ్ళి ఉండి ఒక చక్రం తిప్పి ఉండేవాడని ఎన్టీఆర్ టాలెంట్, ఎన్టీఆర్ స్టామినాని మరోసారి బయటపెట్టాడు జక్కన్న…ఇక ఈ స్టేట్మెంట్ వినగానే ఎన్టీఆర్ ఫ్యాన్స్ ఆనందానికి హద్దులె లేవు అని చెప్పాలి.

Also, do SUBSCRIBE to our YouTube channel to get latest Tollywood updates.