సూపర్ స్టార్ రజనీకాంత్ కు ప్రేక్షకుల్లో ఉన్న క్రేజ్ అంతాఇంతా కాదు. అయితే ఈ మధ్య కాలంలో రజనీకాంత్ రేంజ్ కు తగిన హిట్ మాత్రం దక్కలేదు. చాలామంది దర్శకులకు రజనీకాంత్ ను డైరెక్ట్ చేసే అవకాశం వస్తున్నా ప్రతి దర్శకుడు ప్రేక్షకులను తీవ్రస్థాయిలో నిరుత్సాహపరుస్తున్నాడు. ప్రస్తుతం రజనీకాంత్ నెల్సన్ దిలీప్ కుమార్ డైరెక్షన్ లో ఒక సినిమాలో నటిస్తున్నారనే సంగతి తెలిసిందే. ఈ సినిమాకు జైలర్ అనే టైటిల్ ను పరిశీలిస్తున్నారని సమాచారం.
అధికారికంగా ఈ టైటిల్ కు సంబంధించి ప్రకటన వెలువడాల్సి ఉంది. నెల్సన్ దిలీప్ కుమార్ తొలి సినిమా వరుణ్ డాక్టర్ బాక్సాఫీస్ వద్ద బ్లాక్ బస్టర్ హిట్ గా నిలవగా రెండో సినిమా బీస్ట్ ప్రేక్షకులను ఏ మాత్రం ఆకట్టుకోలేదు. బీస్ట్ మూవీలో విలన్ల ఎంపిక విషయంలో పొరపాట్లు, సినిమాలోని అనవసర కామెడీ సీన్లు సినిమాకు మైనస్ అయ్యాయి. అయితే నెల్సన్ దిలీప్ కుమార్ కు రజనీకాంత్ స్వీట్ వార్నింగ్ ఇచ్చారని సమాచారం.
తన సినిమాలో అనవసర కామెడీ సన్నివేశాలు వద్దని రజనీకాంత్ నెల్సన్ దిలీప్ కుమార్ కు సూచించారని సమాచారం అందుతోంది. రజనీకాంత్ సూచనలను పాటిస్తానని నెల్సన్ దిలీప్ కుమార్ చెప్పినట్టు బోగట్టా. కోలీవుడ్ స్టార్ డైరెక్టర్ కేఎస్ రవికుమార్ ఈ సినిమాకు కథ, కథనం విషయంలో సహాయం చేస్తున్నట్టు తెలుస్తోంది. ఈ సినిమాతో నెల్సన్ దిలీప్ కుమార్ కచ్చితంగా సక్సెస్ సాధించాల్సి ఉంది.
జులై నుంచి ఈ సినిమా రెగ్యులర్ షూటింగ్ మొదలుకానుంది. అనిరుధ్ ఈ సినిమాకు మ్యూజిక్ అందిస్తున్నారు. ఈ సినిమాలో నటించే ఇతర నటీనటుల వివరాలు తెలియాల్సి ఉంది అటు నెల్సన్ ఇటు రజనీకాంత్ లకు ఈ సినిమా సక్సెస్ కీలకమని చెప్పవచ్చు. భారీ బడ్జెట్ తో ఈ సినిమా తెరకెక్కనుందని వార్తలు ప్రచారంలోకి వస్తున్నాయి.
Most Recommended Video
‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!
