సీనియర్ స్టార్ నటుడు శరత్ బాబు కొంత కాలంగా హైదరాబాద్ లోని ఏ ఐ జి హాస్పిటల్ లో చికిత్స పొందుతూ నిన్న మరణించిన సంగతి తెలిసిందే. ఆయన అంత్యక్రియలు ఈరోజు చెన్నైలో జరగబోతున్నాయి. చెన్నైలోని టీ నగర్ లో ఉన్న శరత్ బాబు నివాసానికి నిన్న ఆయన పార్థివ దేహాన్ని చేర్చారు. ఈ క్రమంలో చెన్నైలో ఉన్న సినీ ప్రముఖులు ఆయన భౌతిక కాయాన్ని సందర్శించి, నివాళులు అర్పించేందుకు వెళ్తున్న సందర్భాలు టీవీల్లో చూస్తూనే ఉన్నాం.
ఈ క్రమంలో సూపర్ స్టార్ రజనీకాంత్ కూడా శరత్ బాబు పార్థీవ దేహాన్ని సందర్శించేందుకు వెళ్లారు. అనంతరం ఆయన మీడియాతో మాట్లాడారు… “శరత్ బాబు నాకు అత్యంత సన్నిహితుడు.నేను ఓ మంచి మిత్రుడిని కోల్పోయాను. నటుడు కాకముందు నుండి ఆయన నాతో ఎంతో ఆప్యాయంగా ఉండేవారు. ఆయన మరణవార్త నన్ను కలచివేసింది. ఆయన ఎప్పుడూ ఎంతో ప్రశాంతంగా ఉండేవారు. శరత్ బాబు కోపంగా ఉండటాన్ని నేను ఒక్కసారి కూడా చూడలేదు.
ఎన్నో సినిమాల్లో ఇద్దరం కలిసి నటించాము. ఆరోగ్యంగా ఉండాలని… అందుకు సిగరెట్లు తాగొద్దని.. దయచేసి మానేయమని ఎన్నోసార్లు చెప్పేవారు. శరత్ బాబు మృతి సినీ రంగానికి తీరని లోటు. ఆయన ఆత్మకు శాంతి చేకూరాలని భగవంతుడిని ప్రార్థిస్తున్నాను” అంటూ రజనీకాంత్ చెప్పుకొచ్చారు. గతంలో రజనీకాంత్ సిగరెట్లు ఎక్కువగా కాల్చేవారు.
రజనీ స్మోకింగ్ స్టైల్ కు కోట్లల్లో అభిమానులు ఉన్నారు. కేవలం రజనీకాంత్ స్మోకింగ్ స్టైల్ చూసి ఆయనకు సినిమాల్లో అవకాశం ఇచ్చినట్లు అంతా చెబుతుంటారు. అయితే ఆయన మనవడి కోసం .. సిగరెట్లు కాల్చడం మానేసినట్లు రజనీ క్లారిటీ ఇచ్చారు.
బిచ్చగాడు 2 సినిమా రివ్యూ & రేటింగ్!
డెడ్ పిక్సల్స్ వెబ్ రివ్యూ & రేటింగ్!
అన్నీ మంచి శకునములే సినిమా రివ్యూ & రేటింగ్!
పిల్లలను కనడానికి వయస్సు అడ్డుకాదంటున్న సినీతారలు
