Rajinikanth: రజినీకాంత్ హవా మాములుగా లేదుగా!

సౌత్ ఇండియాలో సూపర్ స్టార్ గా రజినీకాంత్ తనకంటూ ప్రత్యేక గుర్తింపును సొంతం చేసుకున్నారు. అయితే ఈ మధ్య కాలంలో రజినీకాంత్ నటించిన సినిమాలు బాక్సాఫీస్ వద్ద హిట్ కాలేదు. ఏఆర్ మురుగదాస్ డైరెక్షన్ లో రజినీకాంత్ హీరోగా తెరకెక్కిన దర్బార్ సినిమా ఫ్లాప్ రిజల్ట్ ను అందుకున్న సంగతి తెలిసిందే. అయితే ఇక్కడ డిజాస్టర్ గా నిలిచిన ఈ సినిమా జపాన్ లో మాత్రం భారీ బ్లాక్ బస్టర్ హిట్ గా నిలిచింది.

రజనీకాంత్ కు మన దేశంతో పాటు ఇతర దేశాల్లో కూడా వీరాభిమానులు ఉన్నారనే సంగతి తెలిసిందే. రజినీకాంత్ కు భారత్ లో ఎంత మార్కెట్ ఉందో జపాన్ లో కూడా అంతే మార్కెట్ ఉంది. జపాన్ లో ఇటీవల దర్బార్ మూవీని ప్రదర్శించగా అక్కడి ప్రేక్షకుల నుంచి భారీస్థాయిలో స్పందన రావడం గమనార్హం. జపాన్ లోని ఎంకేసి ప్లెక్స్ లో దర్బార్ మూవీ జపనీస్ వెర్షన్ రిలీజ్ అయింది. ఈ నెల 21వ తేదీ వరకు జపాన్ లో ఈ సినిమా ప్రదర్శితం కానుండటం గమనార్హం.

రజినీకాంత్ నటించిన ముత్తు సినిమా కూడా జపాన్ లో బ్లాక్ బస్టర్ హిట్ గా నిలిచిన సంగతి తెలిసిందే. నయనతార, నివేదా థామస్ దర్బార్ సినిమాలో కీలక పాత్రల్లో నటించారు. వయస్సు పెరుగుతున్నా రజినీకాంత్ కు జపాన్ లో హవా తగ్గలేదు. ప్రస్తుతం సిరుత్తై శివ డైరెక్షన్ లో అన్నాత్తే సినిమాలో రజినీకాంత్ నటిస్తున్నారు. దీపావళి కానుకగా ఈ సినిమా రిలీజ్ కానుంది.

Most Recommended Video

పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్