ప్రముఖ నటుడు, రాజకీయ నాయకుడు, డీఎండీకే అధ్యక్షుడు విజయకాంత్ ఇటీవల కన్నుమూసిన విషయం తెలిసిందే. ఆయ అంత్యక్రియలకు వచ్చిన సూపర్‌ స్టార్‌ రజనీకాంత్ కన్నీటిపర్యంతమయ్యారు. దీంతో అక్కడున్న వారంతా భావోద్వేగానికి గురయ్యారు. దీనికి సంబంధించిన వీడియో ఒకటి సోషల్‌ మీడియాలో వైరల్‌గా మారింది. ‘వద్దు తలైవా నిన్నిలా చూడలేకపోతున్నాం… కన్నీళ్లు పెట్టుకోవద్దు’ అంటూ అభిమానులు, నెటిజన్లు కామెంట్లు పెడుతున్నారు. అనారోగ్య కారణాల వల్ల విజయకాంత్ గురువారం తుదిశ్వాస విడిచిన సంగతి తెలిసిందే.
ఆయన తమిళనాడుకు చేసిన సేవలకు గుర్తుగా రాష్ట్ర ప్రభుత్వం ప్రభుత్వ అధికారిక లాంఛనాలతో అంత్యక్రియలు చేయించింది. ఈ క్రమంలో తన మిత్రుడిని చివరిసారి చూసిన రజనీకాంత్… తమ మధ్య అనుబంధాన్ని గుర్తుచేసుకుని భావోద్వగానికి గురై… కన్నీరు పెట్టుకున్నారు. ఆ వీడియోనే ఇప్పుడు సోషల్‌ మీడియాలో చక్కర్లు కొడుతోంది. విజయకాంత్ మరణించాడని తెలిసి నా గుండె పగిలింది. ఆయన మరణం తమిళనాడు ప్రజలకు తీరని లోటు. గొప్ప సంకల్పశక్తి ఉన్న వ్యక్తి విజయకాంత్ అని రజనీకాంత్ కొనియాడారు.
చివరిసారిగా విజయకాంత్‌ని డీఎండీకే మీటింగ్‌లో చూశాను. అనారోగ్యం నుండి కోలుకున్నందుకు ఎంతో ఆనందించా. కానీ ఇప్పుడిలా జరిగిపోయింది. విజయకాంత్ నాకు మంచి స్నేహితుడు. ఒక్కమాటలో చెప్పాలంటే స్నేహానికి ప్రతిరూపం అని కొనియాడారు రజనీ. తను ఒకసారి ఆసుపత్రిలో ఉంటే చూడడానికి వేలమంది అభిమానులు వచ్చారని, వాళ్లను నియంత్రించడం ఆసుపత్రి సిబ్బంది, పోలీసుల వల్ల కూడా కాలేదని, విజయకాంత్ మాత్రం వాళ్లందరినీ 5 నిమిషాల్లో కంట్రోల్ చేశాడని నాటి రోజులు గుర్తు చేసుకున్నారు తలైవా.
అయితే చివరి రోజుల్లో విజయకాంత్‌ని చూడడానికి నాకు వీలుకాలేదు. వేలమంది పుడుతూ మరణిస్తూ ఉంటారు. కానీ, విజయకాంత్ లాంటి వాళ్లు ఎప్పటికీ ప్రజల గుండెల్లో నిలిచి ఉంటారు అంటూ (Rajinikanth) రజనీకాంత్ భావోద్వేగానికి గురయ్యారు. గత కొన్ని రోజులుగా తీవ్ర ఆరోగ్య సమస్యలతో బాధపడుతున్న విజయకాంత్… ఇటీవల కాస్త కోలుకున్నారు. అయితే అనారోగ్యం తిరగబెట్టడంతో మళ్లీ ఆస్పత్రిలో చేరి చికిత్స పొందుతూ ఇటీవల కన్నుమూశారు.
Thalaiva
Not able to see u cry
Tears in my eyes upon seeing this
Take care of ur health Thalaiva
We love u lots
😔😔#Vijayakanth pic.twitter.com/3zvnj4C2YL— Dr.Ravi (@imravee) December 29, 2023
డెవిల్ సినిమా రివ్యూ & రేటింగ్!
బబుల్ గమ్ సినిమా రివ్యూ & రేటింగ్!
‘ఖైదీ నెంబర్ 786’ టు ‘ఠాగూర్’.. తెలుగులో రీమేక్ అయిన విజయ్ కాంత్ సినిమాల లిస్ట్..!
