సౌత్ ఇండియన్ సూపర్ స్టార్ రజనీకాంత్, కమర్షియల్ డైరక్టర్ శంకర్ కాంబినేషన్లో వస్తున్న రోబో 2.0 వేగంగా షూటింగ్ జరుపుకుంటోంది. ప్రస్తుతం చెన్నైఈవీపీ ఫిలిం సిటీలో వేసిన భారీ సెట్ లో బాలీవుడ్ యాక్షన్ హీరో అక్షయ్ కుమార్ పై కీలక సన్నివేశాలను తెరకెక్కిస్తున్నారు. ఈ హీరో ఇందులో విలన్ రిచర్డ్ గా భయపెట్టనున్నారు. 2010 లో బ్లాక్ బస్టర్ గా నిలిచిన రోబో మూవీ కి సీక్వెల్ గా వస్తున్న ఈ అప్ గ్రేడ్ వెర్షన్ లోను రజనీకాంత్ సైన్టిస్ వశీకరణ్ పాత్రలో కనిపించనున్నారు.
అతనితో “ఐ” బ్యూటీ అమీ జాక్సన్ ఆడపాడనుంది. రజనీ ఈనెల 23 నుంచి ఈ షూటింగ్ లో పాల్గొననున్నారు. ఈ షెడ్యూల్ తో టాకీ పార్టీ పూర్తి చేయాలని శంకర్ భావిస్తున్నారు. 350 కోట్లతో లైకా ప్రొడక్షన్ వాళ్లు నిర్మిస్తున్న ఈ సినిమాకు ఏ.ఆర్. రెహమాన్ సంగీతమందిస్తున్నారు. అభిమానులు ఎంతగానో ఎదురు చూస్తున్న రోబో 2.0 ఫస్ట్ లుక్ ని నవంబర్ లో రిలీజ్ చేయాలని చిత్ర బృందం ఆలోచిస్తోంది.
