Rajinikanth: ‘రాకెట్రీ’ టీమ్‌పై సూపర్‌స్టార్‌ ప్రశంసలు

మంచి సినిమా చూడగానే ఆ టీమ్‌ను ప్రశంసించడం సూపర్‌ స్టార్‌ రజనీకాంత్‌కి ఉన్న అలవాటు. అది ఎంత చిన్న సినిమా అయినా, కొత్త యాక్టర్‌ అయినా, పెద్ద యాక్టర్‌ అయినా ఆయన తనదైన శైలిలో ప్రశంసిస్తుంటారు. అలా రజనీకాంత్‌ ప్రశంసలు అందుకున్న తాజా చిత్రం ‘రాకెట్రీ: ది నంబి ఎఫెక్ట్‌’. మాధవన్‌ నటిస్తూ తెరకెక్కించిన చిత్రమిది. ఇటీవల విడుదలై మంచి స్పందన అందుకుంది. ఈ క్రమంలో రజనీకాంత్‌ ఈ సినిమా చూసి టీమ్‌ను మెచ్చుకున్నారు.

నంబి నారాయణన్‌ జీవితాన్ని మరింత వాస్తవంగా తెరకెక్కించి తొలి సినిమాతోనే తానూ గొప్ప దర్శకులతో సమానమని మాధవన్‌ నిరూపించుకున్నారని రజనీకాంత్‌ ప్రశంసించారు. నంబి నారాయణన్‌ బయోపిక్‌గా విడుదలైన ‘రాకెట్రీ’ వీక్షించిన రజనీ చిత్రబృందంపై ప్రశంసల వర్షం కురిపించారు. ‘‘ప్రతి భారతీయుడు, ముఖ్యంగా యువత తప్పకుండా చూడాల్సిన చిత్రం ‘రాకెట్రీ’’ అని చెప్పారు రజనీకాంత్‌. మన దేశ అంతరిక్ష పరిశోధన అభివృద్ధి కోసం పద్మభూషణ్‌ నంబి నారాయణన్‌ ఎంత కష్టపడ్డారు? ఎన్ని త్యాగాలు చేశారు? అనేది ‘రాకెట్రీ’ సినిమాలో చక్కగా చూపించారన్న రజనీకాంత్‌..

ఈ సినిమాతో తొలిప్రయత్నంలోనే తానూ పేరు పొందిన దర్శకులతో సమానమని మాధవన్‌ నిరూపించుకున్నారని పొగిడేశారు. ఇలాంటి అద్భుతమైన కథను రియలిస్టిక్‌గా చెప్పిన మాధవన్‌కు నా అభినందనలు అని రజనీకాంత్‌ పేర్కొన్నారు. ప్రముఖ ఇస్రో శాస్త్రవేత్త నంబి నారాయణన్‌ జీవితాన్ని ఆధారంగా చేసుకుని ‘రాకెట్రీ’ సిద్ధమైందనే విషయం తెలిసిందే. అమెరికాలోని ప్రఖ్యాత ప్రిన్స్‌ట‌న్ విశ్వవిద్యాల‌యంలో నారాయ‌ణ‌న్ చ‌దువుకున్న రోజులు మొద‌లుకొని, రాకెట్ సైన్స్ కోసం ఆయ‌న చేసిన కృషిని ఈ సినిమాలో చూపించారు.

ఈ క్రమంలో ఆయన గూఢ‌చ‌ర్యం కేసులో అరెస్టు కావడం, నిరపరాధిగా బయటపడటం ఇలా చాలా ఆసక్తికరమైన విషయాలను సినిమాలో పొందుపరిచారు. ఈ సినిమాలో మాధవన్‌ కీలక పాత్ర పోషించగా, సూర్య, షారుఖ్‌ ఖాన్‌ అతిథి పాత్రల్లో మెరిశారు. సినిమా కోసం మాధవన్‌ చాలా మేకోవర్‌ చేసుకున్నారు. తెల్లటి జుట్టు, పళ్ల వరుస మార్చడం, పొట్ట పెంచడం, ముసలివానిగా కనిపించడం లాంటివి చేశారు. అవన్నీ సినిమా విజయంతో ఫుల్‌ఫిల్‌ అయ్యాయని చెప్పొచ్చు.

ఫస్ట్ హాఫ్ లో భారీ నుండి అతి భారీగా ప్లాప్ అయిన 15 సినిమాల లిస్ట్..!

Most Recommended Video

టాలీవుడ్ లో రీ ఎంట్రీ ఇవ్వబోతున్న 10 మంది హీరోయిన్స్ లిస్ట్..!
అభిమానులకు అవకాశాలు ఇచ్చి బ్లాక్ బస్టర్లు అందుకున్న హీరోలు..!
ఈ ఏడాది బాక్సాఫీస్ వద్ద సక్సెస్ అయిన 13 సినిమాల లిస్ట్..!