Rajinikanth Remuneration: జైలర్ మూవీకి రజనీ రెమ్యునరేషన్ అన్ని కోట్లా?

June 25, 2022 / 01:20 PM ISTByFilmy Focus

Join Us

Rajinikanth Remuneration: జైలర్ మూవీకి రజనీ రెమ్యునరేషన్ అన్ని కోట్లా?

ఈ మధ్య కాలంలో సరైన సక్సెస్ లేకపోయినా ప్రేక్షకుల్లో ఏ మాత్రం క్రేజ్ తగ్గని హీరోలలో రజనీకాంత్ ఒకరు. రజనీకాంత్ సినిమాకు హిట్ టాక్ వస్తే బాక్సాఫీస్ వద్ద రికార్డులు బ్రేక్ కావాల్సిందేననే సంగతి తెలిసిందే. ప్రస్తుతం దేశంలోనే హైయెస్ట్ రెమ్యునరేషన్ తీసుకుంటున్న హీరోగా ప్రభాస్ కు పేరుంది. ఆదిపురుష్ సినిమా కోసం ప్రభాస్ 120 కోట్ల రూపాయల రేంజ్ లో రెమ్యునరేషన్ తీసుకుంటున్నారని వార్తలు ప్రచారంలోకి వచ్చాయి. ప్రభాస్ కు దేశవిదేశాల్లో ఊహించని స్థాయిలో ఫ్యాన్ ఫాలోయింగ్ ఉండటంతో ఈ స్థాయిలో రెమ్యునరేషన్ దక్కిందని బోగట్టా.

అయితే జైలర్ సినిమా కోసం రజనీకాంత్ ఏకంగా 150 కోట్ల రూపాయల రెమ్యునరేషన్ ను డిమాండ్ చేస్తున్నారని వార్తలు ప్రచారంలోకి వస్తున్నాయి. 150 కోట్ల రూపాయల పారితోషికం అంటే తక్కువ మొత్తమేమీ కాదు. ఈ మొత్తంతో చాలామంది స్టార్ హీరోలు రెండు సినిమాలలో సులువుగా నటించవచ్చు. అయితే రజనీకాంత్ రెమ్యునరేషన్ వార్తలపై నెటిజన్ల నుంచి భిన్నాభిప్రాయాలు వ్యక్తమవుతున్నాయి. నెల్సన్ దిలీప్ కుమార్ డైరెక్షన్ లో ఈ సినిమా తెరకెక్కనుంది.

బీస్ట్ సినిమా ఫ్లాపైనా తర్వాత సినిమాలతో సక్సెస్ అందుకోవాలని నెల్సన్ దిలీప్ కుమార్ భావిస్తున్నారు. వరుణ్ డాక్టర్ సినిమాతో మంచి పేరు సంపాదించుకున్న నెల్సన్ దిలీప్ కుమార్ కు బీస్ట్ ఫలితంతో అవకాశాలు తగ్గాయి. బీస్ట్ రిలీజ్ కు ముందే రజనీకాంత్ హీరోగా ఒక సినిమా ఫిక్స్ కావడంతో రజనీకాంత్ ఈ ప్రాజెక్ట్ విషయంలో ముందడుగు వేశారు. రజనీకాంత్ కు గత కొన్నేళ్లలో తెలుగు మార్కెట్ అంతకంతకూ తగ్గుతోంది.

అయితే రజనీకాంత్ సినిమాకు హిట్ టాక్ వస్తే మాత్రం ఇక్కడి స్ట్రెయిట్ హీరోల సినిమాలతో సమానంగా కలెక్షన్లు రావడం గ్యారంటీ అని చెప్పవచ్చు. కథల విషయంలో రజనీకాంత్ జాగ్రత్త వహించాలని అభిమానులు కోరుకుంటున్నారు. రజనీకాంత్ ప్రస్తుతం పరిమితంగా సినిమాలలో నటిస్తున్నారు.