సౌత్ ఇండియన్ సూపర్ స్టార్ రజనీ కాంత్ ఓ సాలిడ్ హిట్టు కొట్టి చాలా కాలం అయ్యింది. ‘రోబో’ తర్వాత రజనీ నుండి వచ్చిన సినిమాలన్నీ బాక్సాఫీస్ వద్ద ఫెయిల్ అయ్యాయి. ‘అన్నాత్తె’ సినిమా తమిళంలో బాగానే ఆడింది. అయితే ‘రోబో’ తర్వాత రజనీ నుండి వచ్చిన సినిమాలు తెలుగులో కూడా సక్సెస్ కాలేదు.’కబాలి’ ‘2.ఓ’ చిత్రాలు మాత్రం యావరేజ్ ఫలితాలతో సరిపెట్టుకున్నాయి. తెలుగులో రజనీ మార్కెట్ కూడా బాగా తగ్గింది.
ఒకప్పుడు రూ.20 కోట్లు ఉన్న రజనీ కాంత్ మార్కెట్ ఇప్పుడు రూ.10 కోట్లకు పడిపోయింది. సోలో రిలీజ్ అయినా ఆయన సినిమాలు సక్సెస్ కాలేకపోతున్నాయి. సరే ఈ విషయాలను పక్కన పెట్టేస్తే..ఈరోజు రజనీకాంత్ పుట్టినరోజును పురస్కరించుకుని ఆయన తర్వాతి సినిమా ‘జైలర్’ కు సంబంధించిన గ్లింప్స్ రిలీజ్ అయ్యింది. ‘డాక్టర్’ ‘బీస్ట్’ వంటి పెద్ద చిత్రాలను డైరెక్ట్ చేసిన నెల్సన్ ఈ చిత్రానికి దర్శకుడు. ‘డాక్టర్’ పెద్ద హిట్ అయ్యింది. ‘బీస్ట్’ ప్లాప్ అయ్యింది.
దీంతో ‘జైలర్’ సినిమా ఆగిపోయింది అంటూ మొదట రజనీ ఫ్యాన్స్ కథనాలు పుట్టించారు. కానీ రజనీ మాత్రం నెల్సన్ తో సినిమా చేశారు. సన్ పిక్చర్స్ వారు ఈ చిత్రానికి నిర్మాతలు. ఇక తాజాగా రిలీజ్ అయిన గ్లింప్స్ విషయానికి వస్తే.. 1 నిమిషం 40 సెకన్ల నిడివి గల ఈ గ్లింప్స్ లో రజని ఓ ప్రొఫెసర్ గా స్టైల్ గా రెడీ అయ్యి చివరికి కత్తి తీశారు.
ఇది చాలా వరకు కమల్ హాసన్ ‘విక్రమ్’ గ్లింప్స్ కు సిమిలర్ గా ఉందని నెటిజన్లు కామెంట్లు చేస్తున్నారు. కాపీ ఆరోపణలు పక్కన పెట్టినా.. గ్లింప్స్ మాత్రం చాలా నీరసంగా ఉందని చెప్పాలి.సంగీత దర్శకుడు అనిరుధ్ కూడా తన నేపథ్య సంగీతంతో జోష్ నింపలేకపోయాడు. మీరు కూడా ఓ లుక్కేయండి :
గుర్తుందా శీతాకాలం సినిమా రివ్యూ& రేటింగ్!
పంచతంత్రం సినిమా రివ్యూ & రేటింగ్!
ముఖచిత్రం సినిమా రివ్యూ & రేటింగ్!
బిగ్ బాస్ కోసం నాగార్జున ధరించిన 10 బ్రాండ్స్, కాస్ట్యూమ్స్ మరియు షూస్ కాస్ట్ ఎంతంటే!
Home