సౌత్ ఇండియన్ సూపర్ స్టార్ రజినీకాంత్ (Rajinikanth) కీలక పాత్రలో ‘లాల్ సలాం’ (Lal Salaam) తెరకెక్కింది. విష్ణు విశాల్ (Vishnu Vishal) – విక్రాంత్ (Vikranth Santhosh)..లు హీరోలుగా నటించిన ఈ సినిమాకి రజనీ కూతురు ఐశ్వర్య రజనీకాంత్ (Aishwarya Rajinikanth) దర్శకత్వం వహించారు.’లైకా ప్రొడక్షన్స్’ బ్యానర్ పై సుభాస్కరన్ (Subaskaran Allirajah) డైరెక్ట్ చేసిన ఈ చిత్రాన్ని నిర్మించారు.’జైలర్’ (Jailer) తర్వాత రజనీ నుండి వచ్చిన సినిమా ఇది. గత ఏడాది అంటే.. 2024 ఫిబ్రవరి 9 న రిలీజ్ అయ్యింది. రజినీకాంత్ బ్రాండ్ వల్లనే ఈ సినిమాకి భారీ రిలీజ్ సొంతమైంది.
కానీ మొదటి షోతోనే సినిమాకి డిజాస్టర్ టాక్ వచ్చింది. సినిమాలో రజినీకాంత్ ని సైడ్ క్యారెక్టర్ ను చేశారని..! ప్రకాష్ రాజ్ (Prakash Raj) చేయాల్సిన పాత్రని రజినీకాంత్ తో చేయించారని.. ఫ్యాన్స్ టీంని తిట్టిపోశారు. అంతేకాదు రిలీజ్ టైంకి ఈ సినిమా అనేక కష్టాలు ఎదుర్కొంది. ఆర్థిక ఇబ్బందుల కారణంగా షోలు కూడా ఆలస్యం అయ్యాయి. ఇక ప్రీ- రిలీజ్ బిజినెస్ కూడా భారీగా జరగలేదు. రిలీజ్ అయ్యాక ఎక్కువ ఆఫర్లు వస్తాయని టీం నిర్లక్ష్యం వహించడం జరిగింది.
అందువల్ల ఓటీటీ బిజినెస్ కూడా జరగలేదు. దాదాపు ఏడాదిన్నర తర్వాత ‘లాల్ సలామ్’ కి మోక్షం కలిగింది. సన్ నెక్స్ట్ సంస్థ ఈ చిత్రం డిజిటల్ హక్కులను కొనుగోలు చేసి.. స్ట్రీమింగ్ చేయబోతుంది. అందుతున్న సమాచారం ప్రకారం… జూన్ 6 నుండి ‘లాల్ సలామ్’ చిత్రం సన్ నెక్స్ట్ లో తమిళ, తెలుగు భాషల్లో స్ట్రీమింగ్ కానుంది. మరి ఇక్కడైనా దీనికి మంచి ఆదరణ లభిస్తుందేమో చూడాలి.
