Kirrak RP: జబర్దస్త్ బాగోతం మొత్తం బయటపెట్టిన రాకేష్ మాస్టర్!

July 14, 2022 / 01:55 PM ISTByFilmy Focus

Join Us

Kirrak RP: జబర్దస్త్ బాగోతం మొత్తం బయటపెట్టిన రాకేష్ మాస్టర్!

జబర్దస్త్ కార్యక్రమం ద్వారా ఎంతో మంచి గుర్తింపు సంపాదించుకొని ప్రస్తుతం ఆ కార్యక్రమం నుంచి బయటకు వెళ్లిన కిరాక్ ఆర్పీ వార్తల్లో నిలుస్తున్నారు. ఈయన జబర్దస్త్ కార్యక్రమం ద్వారా ఎంతో పేరు ప్రఖ్యాతలు సంపాదించుకున్నారు జబర్దస్త్ కార్యక్రమం తనకు తల్లి లాంటిదని గతంలో జబర్దస్త్ కార్యక్రమం గురించి ఎంతో గొప్పగా చెప్పారు. అయితే ప్రస్తుతం ఈ కార్యక్రమం నుంచి ఆర్పీ బయటకు రావడం వల్ల ఈయన మల్లెమాల వారిపై తీవ్ర స్థాయిలో విమర్శలు చేస్తున్నారు.

జబర్దస్త్ ద్వారా కోట్లు సంపాదించే మల్లెమాలవారు కనీసం వారికి భోజనం కూడా పెట్టరని వసతి సౌకర్యాలు కూడా లేవంటూ విమర్శలు చేశారు. ఇలా ఈయన చేసిన వ్యాఖ్యలను మరికొంతమంది జబర్దస్త్ కమెడియన్స్ తిప్పి కొట్టారు. ఇకపోతే తాజాగ రాకేష్ మాస్టర్ మాట్లాడుతూ ఆర్పీకి మద్దతు తెలిపారు.గతంలో తాను కూడా జబర్దస్త్ కార్యక్రమంలో సందడి చేసిన విషయం మనకు తెలిసిందే ఈ క్రమంలోనే అక్కడి అనుభవాలను రాకేష్ మాస్టర్ బయటపెట్టారు. తాను బుల్లెట్ భాస్కర్ పిలిస్తేనే అతని టీంలో చేశానని అయితే అక్కడ తనకు బుల్లెట్ భాస్కర్

ఎంతో గౌరవ మర్యాదలు ఇవ్వడమే కాకుండా స్వయంగా తన వద్దకు భోజనం తీసుకొచ్చి పెట్టేవాడు.కానీ ఒకరోజు బుల్లెట్ భాస్కర్ లేకపోవడంతో తాను కూడా అందరిలాగే భోజనం కోసం క్యూలో నిలబడ్డానని అక్కడి భోజనాలు ఏమాత్రం రుచి లేవని ఆర్పీ చెప్పిన మాటలు అక్షరాల నిజమేనని రాకేష్ మాస్టర్ వెల్లడించారు. బుల్లెట్ భాస్కర్ అక్కడి భోజనం చేయకుండా తన కోసం బయట నుంచి తెప్పించుకునేవారు అలాగే తన టీం కి కూడా తెప్పించేవారు.

భోజనాలు బాగా ఉంటే బయట నుంచి ఎందుకు తెప్పించుకుంటారు అంటూ రాకేష్ మాస్టర్ అడిగారు.ఇక జబర్దస్త్ డైరెక్షన్ డిపార్ట్మెంట్ వారికి అమ్మాయిలు పిచ్చి ఎక్కువగా ఉందని నిత్యం అమ్మాయిలతో కలిసి కాలక్షేపం చేస్తుంటారు అంటూ ఈయన ఆరోపణలు చేశారు. ఇకపోతే జబర్దస్త్ డైరెక్టర్ వస్తే అందరూ లేచి నిలబడాలట, ఢీకార్యక్రమంలో భాగంగా శ్యామ్ ప్రసాద్ రెడ్డి గారు ఎప్పుడు అక్కడికి వచ్చేవారు అయితే జబర్దస్త్ కార్యక్రమంలో తనని ఎప్పుడూ చూడలేదని ఇక్కడ జరిగే విషయాలను ఆయనకు తెలుసో లేదో తెలియదు కానీ, ఆర్పీ చెప్పినవన్నీ నిజాలేనంటూ రాకేష్ మాస్టర్ చేసిన ఈ వ్యాఖ్యలు వైరల్ అవుతున్నాయి.