బాలీవుడ్ బాద్ షా వేసిన లుంగీ డ్యాన్స్ ఎంత పాపులర్ అయిందో అదే విధంగా దుప్పటి డ్యాన్స్ వైరల్ అవుతోంది. అయితే ఈ డాన్స్ చేసింది బాలీవుడ్ హీరో కాదు.. మెగా హీరో సాయి ధరమ్ తేజ్. అతనితో కలిసి స్టెప్పులు వేసిన భామ ఫిట్ బ్యూటీ రకుల్ ప్రీత్ సింగ్. వీరిద్దరూ కలిసి గోపిచంద్ మలినేని దర్శకత్వంలో “విన్నర్” అనే మూవీ లో నటిస్తున్నారు. ఠాగూర్ మధు, నల్లమలుపు బుజ్జి సంయుక్తంగా నిర్మిస్తున్న ఈ చిత్రం షూటింగ్ ఉక్రెయిన్ లో జరుగుతోంది.
అత్యంత చలిగా ఉండే ప్రాంతంలో రకుల్, తేజు పై రొమాంటిక్ సాంగ్ చిత్రీకరిస్తున్నారు. ఇందులో భాగంగా అందరూ చలి నంచి రక్షణకు ఉన్ని వస్త్రాలను ధరించారు. హీరో, హీరోయిన్లు మాత్రం దుప్పటి కప్పుకున్నారు. టేక్ కి వెళ్లే గ్యాప్ లో వారిద్దరూ ఫన్నీ గా డ్యాన్స్ వేశారు. ఈ వీడియోని విన్నర్ చిత్ర బృందం సోషల్ మీడియాలో అప్లోడ్ చేసింది. ఈ వీడియో అత్యంత వేగంగా వైరల్ అయింది. చాలా తమాషాగా ఉందని నెటిజనులు కామెంట్స్ చేస్తున్నారు. ఎస్.ఎస్. థమన్ సంగీతమందిస్తున్న ఈ మూవీలో సాయి ధరమ్ తేజ్ అథ్లెట్ గా కనిపించనున్నారు.
N dis is hw v warmup in d cold! #letsshimmy #random #winner @IamSaiDharamTej pic.twitter.com/09xyMQ4OkC
— Rakul Preet (@Rakulpreet) November 4, 2016
