ఆ ఫిట్ నెస్ ను రకుల్ తప్ప ఎవరూ మ్యానేజ్ చేయలేరు

సొంత కథలు, అరువు కథలు (రీమేకులు) జనాలకి బోర్ కొట్టేశాయి. అయితే.. కొత్త కథలు చూస్తున్నారు, లేదంటే స్టార్ హీరోల సినిమాలు మాత్రమే చూస్తున్నారు. అందుకే ఈమధ్య మన మేకర్స్ అందరూ బయోపిక్ ల మీద పడ్డారు. అందులో కొన్ని సక్సెస్ అవుతున్నాయి, ఎక్కువగా ఫెయిల్ అవుతున్నాయి. సక్సెస్ అవ్వడానికి ఎన్ని కారణాలున్నా.. ఫెయిల్ అవ్వడానికి కారణం మాత్రం మంచి క్యాస్టింగ్ లేకపోవడమే. ఈ విషయాన్ని ముందుగానే గ్రహించారు “కరణం మల్లేశ్వరి” బృందం.

ఒలింపిక్ వెయిట్ లిఫ్టర్ కరణం మల్లేశ్వరి బయోపిక్ ను కోనా వెంకట్ నిర్మాణంలో “రాజుగాడు” ఫేమ్ సంజనా రెడ్డి దర్శకత్వంలో తెరకెక్కిస్తున్న విషయం తెలిసిందే. మల్లేశ్వరి పుట్టినరోజు సందర్భంగా ఎనౌన్స్ మెంట్ కూడా చేశారు. అయితే.. టైటిల్ రోల్ ఎవరు ప్లే చేస్తారు అనేది చర్చనీయాంశంగా మారింది. పాన్ ఇండియన్ మూవీగా తీయడానికి అర్హత ఉన్న సినిమా కావడంతో అన్నీ భాషల్లో ప్రాముఖ్యత ఉన్న హీరోయిన్ ను సెలక్ట్ చేసుకోవాలి, అలాగే.. ఆమె ఫిట్ గా ఉండడం కూడా చాలా ఇంపార్టెంట్. ఈ రెండు కేటగిరీలకు రకుల్ తప్ప ఎవరు సెట్ అవ్వడం లేదు.

తెలుగు, తమిళ, హిందీ భాషల ప్రేక్షకులకి తెలిసిన హీరోయిన్ అలాగే.. ఫిట్ నెస్ కి కేరాఫ్ అడ్రెస్ అయిన రకుల్ అయితేనే ఈ బయోపిక్ ను న్యాయం జరుగుతుందని భావించిన మేకర్స్ ఆమెను అప్రోచ్ అయ్యారట. అసలే తెలుగులోనే కాక చేతులో సరైన సినిమా లేని రకుల్ పాజిటివ్ గా రెస్పాండ్ అయ్యిందని, రెమ్యునరేషన్ సెట్ అయితే సైన్ చేయడానికి సుముఖంగా ఉందని తెలుస్తోంది. మరి ఈ వార్తను ఎప్పుడు అఫీషియల్ గా ప్రకటిస్తారనేది తెలియాల్సి ఉంది.

Most Recommended Video

ఎక్కువ రోజులు థియేటర్స్ లో ప్రదర్శింపబడిన సినిమాల లిస్ట్!
విడుదల కాకుండానే పైరసీ భారిన పడ్డ సినిమాలు ఎవేవంటే..?
ఈ బుల్లితెర నటీమణుల పారితోషికాలు ఎంతో తెలిస్తే షాక్ అవ్వాల్సిందే..!