Rakul Preet: ప్రియుడితో ఏడడుగులు వేసిన రకుల్ ప్రీత్ సింగ్!

స్టార్ హీరోయిన్ రకుల్ ప్రీత్ సింగ్ పెళ్లిపీటలెక్కింది.చాలా కాలంగా ఆమె నిర్మాత జాకీ భగ్నానీతో డేటింగ్ లో ఉన్న సంగతి తెలిసిందే. కొన్నాళ్లుగా దీని పై సోషల్ మీడియాలో ఎక్కువ చర్చలే జరుగుతున్నాయి. వీరి పెళ్లి గోవాలో జరగబోతున్నట్టు కూడా ప్రచారం జరిగింది. దానిని నిజం చేస్తూ గోవాలో ఈరోజు అనగా ఫిబ్రవరి 21 , బుధవారం నాడు మధ్యాహ్నం వీరి వివాహం ఘనంగా జరిగింది. ఆనంద్ కరాజ్ అనే పంజాబీ సాంప్రదాయ పద్ధతిలో వీరి పెళ్లి కన్నుల పండుగగా జరిగింది అని చెప్పాలి.

వరుడి సాంప్రదాయం ప్రకారం సింధి పద్ధతిలోనే వీరికి వివాహం జరిగినట్లు స్పష్టమవుతుంది.వీరి పెళ్లి వేడుకకు షాహిద్ కపూర్, శిల్పా శెట్టి, వరుణ్ ధావన్, భూమి పడ్నేకర్ వంటి హాజరయ్యారు. రకుల్- జాకీ.. ల పెళ్లి ఫోటోలు ఇంకా బయటకు రాలేదు. అయితే పెళ్లి సంబరాలు ఫిబ్రవరి 19 నుండే మొదలయ్యాయి అని తెలుస్తుంది. హల్దీ, సంగీత్ వంటి వేడుకలు కూడా ఘనంగా నిర్వహించారు. రకుల్ – జాకీ..ల ప్రేమ వ్యవహారం 2021 డిసెంబర్లో బయటపడింది. సోషల్ మీడియా వేదికగా రకుల్ తన ప్రియుడితో దిగిన ఫోటోలను షేర్ చేసి అసలు విషయాన్ని తెలిపింది.

రకుల్ ప్రీత్ సింగ్ నటించిన ‘అయలాన్'(తమిళ్) మూవీ ఈ ఏడాది సంక్రాంతి కానుకగా రిలీజ్ అయ్యి సూపర్ హిట్ అయ్యింది. తెలుగులో మాత్రం ఈ చిత్రం జనవరి 26 న విడుదల అవుతుంది అని ప్రకటించినప్పటికీ ఆర్థిక లావాదేవీల కారణంగా రిలీజ్ కావడం లేదు.

‘యానిమల్’ ఫైనల్ గా ఎంత కలెక్ట్ చేసింది.. లాభం ఎంత?

ఈ వారం థియేటర్/ ఓటీటీల్లో స్ట్రీమింగ్ కాబోతున్న 15 సినిమాలు/ సిరీస్ .. ల లిస్ట్.!
కోపంతో ఊగిపోయిన మిడ్ రేంజ్ హీరో.. ఏం అయ్యిందంటే?