Rakul Preet, Ajith: కోలీవుడ్‌లో మరో బంపర్‌ ఆఫర్‌ కొట్టేసిన రకుల్‌!

తెలుగులో సినిమాలు కాస్త తగ్గుతున్నాయని అనిపించిందో లేదో, పక్క ఇండస్ట్రీల మీద దృష్టి పెట్టింది రకుల్‌ ప్రీత్‌ సింగ్‌. తొలుత బాలీవుడ్‌లో అడుగుపెట్టిన ఈ బ్యూటీ.. ఆ తర్వాత తమిళ ఇండస్ట్రీవైపు చూస్తోంది. అందుకే వరుస సినిమాలు సంతకం చేసేస్తోంది. ఈ క్రమంలో తమిళ స్టార్‌ హీరో అజిత్ సరసన నటించడానికి రకుల్ ఓకే చెప్పింది అని పుకార్లు వినిపిస్తున్నాయి. త్వరలో ఈ సినిమా విషయంలో అధికారిక ప్రకటన వస్తుందని చెబుతున్నారు.

Click Here To Watch NOW

ముందుగా చెప్పినట్లు రకుల్‌ ప్రీత్‌ సింగ్‌ బాలీవుడ్‌లో మంచి జోరు మీదుంది. అక్కడ సుమారు ఐదు సినిమాల్లో నటిస్తోందని టాక్‌. ఇది కాకుండా మరో మూడు తమిళ సినిమాలు ఉన్నాయి. వీటికి తొమ్మిదో సినిమాగా అజిత్‌ సినిమా ఓకే అయ్యింది అంటున్నారు. అజిత్‌ – హెచ్‌ వినోద్‌ కాంబినేషన్‌లో ఓ సినిమా ఇటీవల అనౌన్స్‌ చేసిన విషయం తెలిసిందే. ఆ సినిమాలోనే రకుల్‌ ప్రీత్‌ సింగ్‌ను హీరోయిన్‌గా తీసుకున్నారని అంటున్నారు.

అజిత్‌ – వినోద్‌ కుమార్‌ సినిమా చిత్రీకరణ హైదరాబాద్‌లో శరవేగంగా జరుగుతోంది. ఈ సినిమాలో నాయిక పాత్ర కోసం రకుల్‌ను సంప్రదించారట వినోద్‌ టీమ్‌. ఈ క్రమంలో ఇప్పటికే కథా చర్చలు పూర్తయ్యాయట. స్క్రిప్ట్‌ నచ్చడంతో ఈ సినిమా చేసేందుకు రకుల్‌ అంగీకారం తెలిపిందని అంటున్నారు. విభిన్నమైన యాక్షన్‌ థ్రిల్లర్‌గా ఈ సినిమా రూపొందుతోంది. గిబ్రాన్‌ స్వరాలందిస్తున్న ఈ చిత్రానికి బోనీ కపూర్‌ నిర్మాత. రకుల్‌ నటించిన ‘రన్‌ వే 34’ విడుదలకు సిద్ధంగా ఉంది.

అమితాబ్‌ బచ్చన్‌, అజయ్‌ దేవ్‌గణ్‌ ప్రధాన పాత్రలు పోషించిన ఈ చిత్రం ఈ నెల 29న ప్రేక్షకుల ముందుకొస్తోంది. ఇవి కాకుండా ‘మిషన్‌ సిండ్రెల్లా, ‘డాక్టర్‌ జి’, ‘థ్యాంక్‌ గాడ్’, ‘ఛత్రీవాలీ’ సినిమాలు హిందీలో చేస్తోంది. ఇక తమిళంలో అయితే ‘అయాలాన్‌’, ‘31 అక్టోబర్‌ లేడీస్ నైట్‌’లో నటిస్తోంది. ఎప్పుడో ఓకే చేసిన కమల్‌ హాసన్‌ ‘ఇండియన్‌ 2’ పెండింగ్‌లో ఉంది. కొంత చిత్రీకరణ అయిపోయిన తర్వాత ఈ సినిమా ఆగిపోయిన విషయం తెలిసిందే.

‘ఆర్.ఆర్.ఆర్’ మూవీ నుండీ అదిరిపోయే 20 డైలాగులు..!

Most Recommended Video

‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!