Ram Charan, Yash: మూడు కథలు విన్న రామ్ చరణ్.. కానీ?

September 12, 2022 / 03:08 PM ISTByFilmy Focus

Join Us

Ram Charan, Yash: మూడు కథలు విన్న రామ్ చరణ్.. కానీ?

టాలీవుడ్ స్టార్ హీరోలలో ఒకరైన రామ్ చరణ్ కు ఊహించని స్థాయిలో అభిమానులు ఉన్నారు. చరణ్ నటించిన సినిమాలలో మెజారిటీ సినిమాలు సక్సెస్ సాధించాయి. సక్సెస్ రేట్ ఎక్కువగా ఉన్న టాలీవుడ్ హీరోలలో రామ్ చరణ్ కూడా ఒకరని చెప్పవచ్చు. చరణ్ ప్రస్తుతం శంకర్ డైరెక్షన్ లో ఒక సినిమాలో నటిస్తున్నారు. ఈ సినిమాతో పాటు చరణ్ సుకుమార్ కాంబినేషన్ లో కూడా ఒక సినిమా తెరకెక్కనుందనే సంగతి తెలిసిందే.

చరణ్ గౌతమ్ తిన్ననూరి కాంబినేషన్ లో ఒక సినిమా తెరకెక్కాల్సి ఉండగా ఈ సినిమా మాత్రం ఆగిపోయిందని వార్తలు ప్రచారంలోకి వస్తున్నాయి. తాజాగా చరణ్ మూడు కథలు విన్నారని బోగట్టా. తమిళ, కన్నడ ఇండస్ట్రీలకు చెందిన దర్శకులు చెప్పిన కథలు విన్నారని ఈ కథలలో ఒక కథకు చరణ్ గ్రీన్ సిగ్నల్ ఇచ్చారని తెలుస్తోంది. కన్నడ డైరెక్టర్ నర్తన్ చెప్పిన కథకు రామ్ చరణ్ గ్రీన్ సిగ్నల్ ఇచ్చారని సమాచారం.

నర్తన్ చెప్పిన కథ యశ్ రిజెక్ట్ కేసిన కథ కాగా ఈ కథ చరణ్ కు ఎంతగానో నచ్చినట్టు బోగట్టా. మస్తీ అనే సినిమాతో తనకంటూ ప్రత్యేక గుర్తింపును సొంతం చేసుకున్న నర్తన్ నేవీ బ్యాక్ డ్రాప్ కథను వినిపించారని తెలుస్తోంది. రామ్ చరణ్ 16వ సినిమాగా ఈ సినిమా తెరకెక్కుతోంది. యశ్ రిజెక్ట్ చేసిన కథతో రామ్ చరణ్ సక్సెస్ ను సొంతం చేసుకుంటారో లేదో చూడాల్సి ఉంది.

చరణ్ శంకర్ కాంబో మూవీలో కియారా అద్వానీ హీరోయిన్ గా నటిస్తుండగా 300 కోట్ల రూపాయల భారీ బడ్జెట్ తో ఈ సినిమా తెరకెక్కుతోంది. 2023 సమ్మర్ కానుకగా ఈ సినిమా రిలీజ్ కానుంది. ఏడాదికి ఒక సినిమా విడుదలయ్యే విధంగా రామ్ చరణ్ కెరీర్ ను ప్లాన్ చేసుకున్నారు. ఈ ఏడాది చరణ్ నటించిన ఆర్.ఆర్.ఆర్, ఆచార్య సినిమాలు థియేటర్లలో విడుదలయ్యాయనే సంగతి తెలిసిందే.