వైరల్ అయిన రామ్ చరణ్ యాక్షన్ సీన్ షూటింగ్ ఫోటోలు

మెగాపవర్ స్టార్ రామ్ చరణ్ తేజ్ రంగస్థలం వంటి బ్లాక్ బస్టర్ మూవీ తర్వాత బోయపాటి శ్రీను దర్శకత్వంలో నటిస్తున్న సంగతి తెలిసిందే. భరత్ అనే నేను బ్యూటీ కైరా అద్వానీ హీరోయిన్ గా నటిస్తున్న ఈ మూవీ “‘అజర్ బైజాన్”లో భారీ షెడ్యూల్ పూర్తి చేసుకుంది. నెలరోజుల పాటు షూటింగ్ తర్వాత రీసెంట్ గా చిత్ర బృందం హైదరాబాద్ కి వచ్చింది. రెస్ట్ తీసుకోకుండానే నేడు వైజాగ్ లో షూటింగ్ ప్రారంభించారు. ఈ షెడ్యూల్లో కూడా యాక్షన్ సీన్స్ తెరకెక్కిస్తున్నారు. దీనికి సంబంధించిన రెండు చిత్రీకరణ ఫోటోలు లీక్ అయ్యాయి. ఇందులో రఫ్ అండ్ టఫ్ అవతారంలో ఉన్న చరణ్ ఒక కొత్త రకం ఆయుధంతో రౌడీలను తరుముకుంటున్నారు.

ఇవి సోషల్ మీడియా వైరల్ అయ్యాయి. ఫస్ట్ లుక్ కోసం ఎదురుచూసి అలసిపోయిన అభిమానులు ఈ ఫోటోలు చూసి ఆనందపడుతున్నారు. రాజవంశస్థుల నేపథ్యంలో తెరకెక్కుతున్న ఈ సినిమాలో రామ్ చరణ్ కి అన్నయ్యలుగా తమిళ హీరో ప్రశాంత్‌, నవీన్‌ చంద్ర, ఆర్యన్ రాజేష్ నటిస్తున్నారు. చెర్రీ కి వదినలుగా అలనాటి హీరోయిన్ స్నేహ, అనన్య (‘జర్నీ’ ఫేం), హిమజలు కనిపించనున్నారు. విలన్ గా బాలీవుడ్ హీరో వివేక్ ఓబరాయ్ పోటీపడుతున్నారు. రాక్ స్టార్ దేవీ శ్రీ ప్రసాద్ సంగీతమందిస్తున్న ఈ మూవీ సంక్రాంతికి థియేటర్లోకి రానుంది.