Ram Charan, Buchibabu: చరణ్ బుచ్చిబాబు కాంబో సినిమాలో విలన్ అతనేనా?

రామ్ చరణ్ బుచ్చిబాబు కాంబో మూవీ షూట్ మొదలుకాకపోయినా ఈ సినిమాకు సంబంధించి క్రేజీ అప్ డేట్స్ వస్తున్నాయి. ఈ సినిమాలో నటించే నటీనటుల వివరాలు ఒక్కొక్కటిగా వెల్లడవుతున్నాయి. చరణ్ కు జోడీగా ఈ సినిమాలో జాన్వీ కపూర్ నటిస్తుండగా ఉత్తరాంధ్ర బ్యాక్ డ్రాప్ లో ఈ సినిమా తెరకెక్కుతోంది. కన్నడ స్టార్ హీరో శివరాజ్ కుమార్ ఈ సినిమాలో నటిస్తున్నారని ఇప్పటికే వెల్లడైన సంగతి తెలిసిందే. అయితే ఈ సినిమాలో విలన్ గా బాబీ డియోల్ నటించనున్నారని తెలుస్తోంది.

యానిమల్ మూవీ బ్లాక్ బస్టర్ హిట్ గా నిలవడంతో బాబీ డియోల్ పేరు దేశవ్యాప్తంగా మారుమ్రోగింది. చరణ్ బుచ్చిబాబు కాంబో మూవీలో బాబీ డియోల్ నటిస్తే మాత్రం బాబీ డియోల్ రేంజ్ మరింత పెరిగే అవకాశం అయితే ఉందని కామెంట్లు వ్యక్తమవుతూ ఉండటం గమనార్హం. ఈ సినిమాకు సినిమాటోగ్రాఫర్ గా రత్నవేలు పని చేస్తున్నారు. ప్రముఖ మ్యూజిక్ డైరెక్టర్ ఏఆర్ రెహమాన్ ఈ సినిమాకు మ్యూజిక్ అందిస్తున్నారు.

బుచ్చిబాబు (Buchibabu) ఈ సినిమా స్క్రిప్ట్ విషయంలో ఎన్నో జాగ్రత్తలు తీసుకున్నారు. ఈ సినిమా బడ్జెట్ 300 కోట్ల రూపాయల రేంజ్ లో ఉందని సమాచారం అందుతోంది. బాలయ్య బాబీ సినిమాలో ఇప్పటికే నటిస్తున్న బాబీ డియోల్ చరణ్ సినిమాకు గ్రీన్ సిగ్నల్ ఇస్తే టాలీవుడ్ లో మరింత బిజీ అయ్యే ఛాన్స్ ఉంది. టాలీవుడ్ ఇండస్ట్రీలో బాలీవుడ్ విలన్లకు డిమాండ్ పెరుగుతోంది.

బాలీవుడ్ విలన్లు నటించిన సినిమాలు ప్రేక్షకాదరణ పొందుతుండటంతో దర్శకులు సైతం విలన్ల విషయంలో బాలీవుడ్ కు ఓటేస్తున్నారు. బాబీ డియోల్ రెమ్యునరేషన్ ఒకింత భారీ రేంజ్ లో ఉందనే సంగతి తెలిసిందే. చరణ్ బుచ్చిబాబు కాంబో మూవీ 2025లో రిలీజయ్యే ఛాన్స్ ఉంది. ఈ సినిమా ప్రీ ప్రొడక్షన్ పనులు శరవేగంగా జరుగుతున్నాయి.

జీవితంలో నేను కోరుకునేది ఇది మాత్రమే.. శోభిత చెప్పిన విషయాలివే!

‘వీరమల్లు’ టు ‘ ఆర్.టి.జి.ఎం 4’ హోల్డ్ లో పడిన 10 ప్రాజెక్టులు ఇవే..!
ఒకప్పుడు సన్నగా ఉండి ఇప్పుడు గుర్తుపట్టలేనంతగా మారిపోయిన 11 హీరోయిన్స్.!