Ram Charan: రామ్ చరణ్ కొత్త కారు ఖరీదు తెలిస్తే మాత్రం షాకవ్వాల్సిందే!

టాలీవుడ్ స్టార్ హీరో రామ్ చరణ్ కెరీర్ ను (Ram Charan) అద్భుతంగా ప్లాన్ చేసుకుంటున్న సంగతి తెలిసిందే. వరుస పాన్ ఇండియా సినిమాలతో బిజీగా ఉన్న రామ్ చరణ్ ఈ సినిమాలతో కచ్చితంగా విజయాలను సొంతం చేసుకుంటాననే నమ్మకాన్ని కలిగి ఉన్నారు. శంకర్ (Shankar) , బుచ్చిబాబు (Buchi Babu)  , సుకుమార్ (Sukumar) డైరెక్షన్ లో నటిస్తున్న రామ్ చరణ్ క్లీంకార పుట్టిన తర్వాత వ్యక్తిగత జీవితానికి సైతం ఎక్కువగా ప్రాధాన్యత ఇస్తున్నారు. రామ్ చరణ్ గ్యారేజ్ లో ఇప్పటికే ఎక్కువ సంఖ్యలో కార్లు ఉండగా తాజాగా మరో కారు చరణ్ గ్యారేజ్ లో చేరిందని తెలుస్తోంది.

అంబానీ ఇంట పెళ్లికి హాజరవుతున్న చరణ్ ఇంటి నుంచి ఎయిర్ పోర్ట్ కు అత్యంత ఖరీదైన రోల్స్ రాయిస్ స్పెక్టార్ ను డ్రైవ్ చేసుకుంటూ వెళ్లారు. ఈ కారు ఖరీదు 7 నుంచి 7.5 కోట్ల రూపాయలు అని తెలిసి నెటిజన్లు షాకవుతున్నారు. ఈ కారు భారత్ లో ఉన్న రెండో కారు కాగా హైదరాబాద్ లో ఉన్న తొలి కారు కావడం గమనార్హం. ఈ కారు ఖరీదు గురించి తెలిసి షాకవ్వడం నెటిజన్ల వంతవుతోంది.

రామ్ చరణ్ కారులో ప్రయాణిస్తున్న ఫోటోలు, వీడియోలు ప్రస్తుతం సోషల్ మీడియా వేదికగా వైరల్ అవుతున్నాయి. చరణ్ బ్యాక్ టు బ్యాక్ ప్రాజెక్ట్ లతో కెరీర్ పరంగా బిజీగా ఉండగా ఏడాదికి ఒక సినిమా విడుదలయ్యే విధంగా చరణ్ కెరీర్ ను ప్లాన్ చేసుకోవాల్సి ఉంది. చరణ్ రెమ్యునరేషన్ సైతం ఒకింత భారీ రేంజ్ లో ఉందని భోగట్టా.

రామ్ చరణ్ సైతం తన సినిమాలలో బాలీవుడ్ హీరోయిన్లకు ప్రాధాన్యత ఇస్తున్నారని కామెంట్లు వినిపిస్తున్నాయి. ఈ ఏడాదే గేమ్ ఛేంజర్ (Game Changer)  సినిమా విడుదల కానుందని ప్రచారం జరుగుతుండగా ఆ ప్రచారంలో నిజానిజాలు తెలియాల్సి ఉంది. రామ్ చరణ్ భవిష్యత్తు ప్రాజెక్ట్ లతో కచ్చితంగా భారీ హిట్లను సొంతం చేసుకోవాల్సి ఉంది. చరణ్ సినిమాలకు ఇతర భాషల్లో బిజినెస్ భారీ స్థాయిలో జరుగుతోంది.