Ram Charan: చరణ్ కోసం మరొక భారీ స్టోరీ రెడీ!

మెగాపవర్ స్టార్ రామ్ చరణ్, తండ్రి మెగాస్టార్ చిరంజీవి మాదిరిగా తన ఒక్కో సినిమాతో హీరోగా తన క్రేజ్ పెంచుకుంటూ ముందుకు సాగుతున్నారు. ప్రస్తుతం తన కెరీర్ లో తొలిసారిగా ఎన్టీఆర్ తో కలిసి రాజమౌళి దర్శకత్వంలో భారీ పాన్ ఇండియా సినిమా ఆర్ఆర్ఆర్ చేస్తున్న చరణ్ ఈ మూవీ తో భారీ సక్సెస్ అందుకోవాలని చూస్తున్నారు. చరణ్ ఇందులో అల్లూరి సీతారామరాజుగా అలానే ఎంటైర్ కొమురం భీం గా యాక్ట్ చేస్తున్న సంగతి తెలిసిందే. అందరిలోనూ తారా స్థాయిలో అంచనాలు ఏర్పరిచిన ఆర్ఆర్ఆర్ సినిమా ఈ ఏడాది అక్టోబర్ లో ప్రేక్షకుల ముందుకు రానుంది.

ఇక దీని తరువాత కోలీవుడ్ ప్రముఖ దర్శకుడు శంకర్ దర్శకత్వంలో శ్రీ వెంకటేశ్వర క్రియేషన్స్ బ్యానర్ పై తెరకెక్కే భారీ మూవీ చేయనున్నారు చరణ్. మంచి మెసేజ్ తో కూడిన భారీ కమర్షియల్ ఎంటర్టైనర్ గా తెరకెక్కనున్న ఈ సినిమాలో కియారా అద్వానీ హీరోయిన్ గా యాక్ట్ చేయనుండగా యువ సంగీత సంచలనం థమన్ స్వరాలు సమకూర్చనున్నాడు. త్వరలో ఈ మూవీ సెట్స్ మీదకు వెళ్లనుంది. అయితే దీని తరువాత ఇటీవల నానితో జెర్సీ వంటి ఎమోషనల్ డ్రామా మూవీ తెరకెక్కించి జాతీయ స్థాయిలో అవార్డుతో పాటు పేరు కూడా దక్కించుకున్న గౌతమ్ తిన్ననూరి తో చరణ్ ఒక సినిమా చేయనున్నట్లు తెలుస్తోంది.

తన మార్క్ ఎమోషనల్ అంశాలతో పాటు చరణ్ ఇమేజ్ కి సరిపోయే కమర్షియల్ ఎలిమెంట్స్ ని కూడా జత చేసి ఒక కథ సిద్ధం రాసుకున్న గౌతమ్ ఇటీవల దానిని చరణ్ కి వినిపించి ఆయన నుండి గ్రీన్ సిగ్నల్ అందుకున్నట్లు టాక్. కాగా గౌతమ్ ప్రస్తుతం దాని పూర్తి స్క్రిప్ట్ రాసే పనిలో ఉన్నారని సమాచారం. త్వరలో స్క్రిప్ట్ మొత్తం పూర్తి అయ్యాక చరణ్ కి వినిపించి ఆపై దానిని పట్టాలెక్కించనున్నారని అంటున్నారు. ఒక బడా నిర్మాణ సంస్థ నిర్మించనున్న ఈ సినిమా అఫీషియల్ అనౌన్స్ మెంట్ ఈ ఏడాది చివర్లో రానున్నట్లు సమాచారం.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!