Ram Charan: మళ్లీ సుక్కూనే కావాలంటున్న చరణ్..?

టాలీవుడ్ ఇండస్ట్రీలో సినిమాల ఎంపికలో ఎన్నో జాగ్రత్తలు తీసుకునే స్టార్ హీరోలలో రామ్ చరణ్ ఒకరు. 15 సంవత్సరాల సినీ కెరీర్ లో చరణ్ హీరోగా నటించిన సినిమాలలో ఫ్లాపుల కంటే హిట్లే ఎక్కువగా ఉన్నాయి. ఈ ఏడాది చరణ్ నటించిన ఆచార్య, ఆర్ఆర్ఆర్ సినిమాలు విడుదల కానున్నాయి. ఈ సినిమాల తరువాత చరణ్ శంకర్ కాంబినేషన్ లో సినిమా తెరకెక్కాల్సి ఉండగా శంకర్ ఇండియన్ 2 సినిమాతో జూన్ నుండి బిజీ కానుండటంతో శంకర్ చరణ్ సినిమా వాయిదా పడింది. ఆచార్య, ఆర్ఆర్ఆర్ సినిమాల తరువాత చరణ్ ఎవరి దర్శకత్వంలో నటిస్తారో అర్థం కాక మెగా ఫ్యాన్స్ కన్ఫ్యూజ్ అవుతున్నారు.

అయితే చరణ్ సుకుమార్ కాంబినేషన్ లో ఒక సినిమా పట్టాలెక్కే అవకాశం ఉందని ఇండస్ట్రీ వర్గాల్లో వినిపిస్తోంది. పుష్ప సినిమా షూటింగ్ పూర్తైన వెంటనే సుకుమార్ చరణ్ సినిమాకు సంబంధించిన పనులతో బిజీ కానున్నారని చరణ్ కోసం సుకుమార్ ఇప్పటికే కథ సిద్ధం చేశారని సమాచారం. సుకుమార్ చరణ్ కాంబినేషన్ లో తెరకెక్కిన రంగస్థలం సినిమా ఇండస్ట్రీ హిట్ కావడంతో చరణ్ సైతం సుకుమార్ డైరెక్షన్ లో నటించేందుకు ఆసక్తి చూపుతున్నారని త్వరలోనే ఈ మేరకు అధికారిక ప్రకటన వచ్చే అవకాశాలు ఉన్నాయని సమాచారం.

టాలీవుడ్ లో నెలకొన్న పరిస్థితుల వల్ల కొన్ని సినిమాల షూటింగ్ లు ఆలస్యమవుతూ ఉండటంతో హీరోలు, దర్శకుల కాంబినేషన్లు తారుమారవుతున్నాయని తెలుస్తోంది. లెక్కల మాస్టార్ సుకుమార్ రంగస్థలం తరువాత పాన్ ఇండియా సినిమాలనే తెరకెక్కిస్తున్నారు. ప్రస్తుతం చరణ్ నటిస్తున్న సినిమాలకు కరోనా వల్ల ఆటంకాలు ఏర్పడితే సుకుమార్ చరణ్ కాంబినేషన్ సినిమా ఆలస్యమయ్యే అవకాశాలు ఉన్నాయి.

Most Recommended Video

‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!