Ram Charan: ఖద్దర్ చొక్కాలో రామ్ చరణ్ రాజకీయాలు!

February 23, 2022 / 11:23 AM ISTByFilmy Focus

Join Us

Ram Charan: ఖద్దర్ చొక్కాలో రామ్ చరణ్ రాజకీయాలు!

మెగా పవర్ స్టార్ రామ్ చరణ్ తేజ్ మొత్తానికి RRR సినిమాను పూర్తి చేసి ప్రమోషన్స్ లో కూడా పాల్గొన్నప్పటికే ఆ సినిమా అనుకోని కారణంగా వాయిదా పడిన విషయం తెలిసిందే. ఇక మరొకసారి ఆ సినిమా కోసం మళ్లీ ప్రమోషన్ చేసే విధంగా అడుగులు వేయబోతున్నారు. ఇక రామ్ చరణ్ ఒకవైపు ప్రమోషన్స్ లో పాల్గొంటూనే మరోవైపు శంకర్ సినిమాను కూడా శరవేగంగా పూర్తి చేస్తున్నాడు. రామ్ చరణ్ 15వ ప్రాజెక్ట్ గా తెరకెక్కుతున్న ఈ సినిమా కోసం దర్శకుడు శంకర్ భారీ స్థాయిలో సన్నివేశాలను షూట్ చేస్తున్నట్లు తెలుస్తోంది.

Click Here To Watch

ముఖ్యంగా ఇంటర్వెల్ ఫైట్ సీన్ అయితే అద్భుతంగా ఉంటుంది. RRR సినిమా తర్వాత రామ్ చరణ్ స్టార్ హోదా అమాంతంగా పెరిగిపోతుంది అని చెప్పవచ్చు. ఒక విధంగా అది శంకర్ సినిమాకు చాలా ప్లస్ పాయింట్ అవుతుంది కూడా. ఇక శంకర్ కూడా చాలా కాలంగా మరో మంచి విజయం కోసం ఎదురు చూస్తున్నాడు. ఆయన చివరగా చేసిన 2.0 అనుకున్నంత స్థాయిలో సక్సెస్ కాలేకపోయింది. ఇక ఇండియన్ 2 సినిమా కూడా అనుకోని కారణాల వల్ల ఆగిపోయింది.

దీంతో ఆయన రేంజ్ గురించి తగ్గిపోయింది అని కామెంట్స్ కూడా వచ్చాయి. ఇక సినిమాలో రామ్ చరణ్ ను మూడు రకాల షేడ్స్ లో చూపించబోతున్నారు. ముఖ్యంగా రామ్ చరణ్ ఖద్దర్ దుస్తులలో కనిపించే పాత్ర చాలా పవర్ఫుల్గా ఉంటుంది అని తెలుస్తోంది. ఫస్టాఫ్ లో ఐపీఎస్ అధికారి గా కనిపించే రామ్ చరణ్ సెకండ్ హాఫ్ లో ఒక బలమైన పొలిటిషియన్ గా ఖద్దర్ వైట్ అండ్ వైట్ లుక్ లో కనిపించబోతున్నట్లు తెలుస్తోంది.

సినిమాలో రామ్ చరణ్ రాజకీయ నాయకుడిగా తీసుకునే నిర్ణయాలు అందరినీ ఎంతగానో ఆలోచింపజేస్తాయట. ఏదేమైనా కూడా వైట్ అండ్ వైట్ లో రామ్ చరణ్ ఇంతవరకు చూడలేదు. దీంతో అది ప్రేక్షకులకు సరికొత్త ట్రీట్ అనే చెప్పాలి. మరి సినిమా బాక్సాఫీస్ వద్ద ఏ స్థాయిలో సంచలనం సృష్టిస్తుందో చూడాలి. వచ్చే ఏడాది సంక్రాంతికి ఈ సినిమాను విడుదల చేయనున్నారు.