రాజమౌళి దర్శకత్వంలో వచ్చిన RRR సినిమా తర్వాత రామ్ చరణ్ ఎంతో ప్రతిష్టాత్మకంగా తదుపరి పాన్ ఇండియా సినిమాగా గేమ్ చేంజర్ సినిమా ద్వారా ప్రేక్షకుల ముందుకు రావడానికి సిద్ధంగా ఉన్నారు. శంకర్ దర్శకత్వంలో దిల్ రాజు నిర్మాణంలో ఎంతో ప్రతిష్టాత్మకంగా తెరకెక్కుతున్నటువంటి ఈ సినిమా ఇప్పటికే షూటింగ్ పూర్తి చేసుకోవాల్సి ఉండగా కొన్ని కారణాల వల్ల వాయిదా పడుతోంది. ఈ సినిమా షూటింగ్ సమయంలోనే ఇండియన్ 2 సినిమా షూటింగుకు కూడా అనుమతులు రావడంతో శంకర్ ఈ సినిమా పనులలో బిజీగా ఉండటం వల్ల రాంచరణ్ సినిమా ఆలస్యమవుతుంది.
అలాగే రామ్ చరణ్ (Ram Charan) కూడా కూతురు పుట్టడంతో సినిమా షూటింగుకు బ్రేక్ ఇచ్చారు. దీంతో ఈ సినిమా షూటింగ్ వాయిదా పడుతూ రావడం వల్ల ఆలస్యం అవుతుంది. వచ్చేయడాది సంక్రాంతి పండుగ సందర్భంగా ఈ సినిమా విడుదల కాబోతుందని మేకర్స్ గతంలో ప్రకటించారు. ఇక ఇప్పటికీ ఈ సినిమా షూటింగ్ పూర్తి చేసుకోకపోవడంతో ఈ సినిమా వచ్చే ఏడాది విడుదల కాదని స్పష్టంగా అర్థం అవుతుంది అయితే విడుదల తేదీ ఎప్పుడు అనే విషయాన్ని మాత్రం మేకర్స్ వెల్లడించలేదు.
ఇక గత కొద్దిరోజులుగా ఈ సినిమా నుంచి ఏ విధమైనటువంటి అప్డేట్ ఇవ్వకపోవడంతో రాంచరణ్ అభిమానులు అప్డేట్ ఇవ్వాలి అంటూ సోషల్ మీడియా వేదికగా డిమాండ్ చేశారు అయినప్పటికీ ఈ సినిమా నుంచి అప్డేట్ రాకపోవడంతో ఒక అభిమాని ఏకంగా సూసైడ్ లెటర్ రాశాడు. రామ్ చరణ్ అభిమాని సూసైడ్ లెటర్ రాస్తూ వెంటనే దిల్ రాజు, డైరెక్టర్ శంకర్ లేదా ఎస్విసి ప్రొడక్షన్ హౌస్ వాళ్లు మూడు రోజుల లోపు రామ్ చరణ్ సినిమాకు సంబంధించిన అప్డేట్ విడుదల చేయాలి అలాగే విడుదల తేదీని కూడా ప్రకటించాలి.
ఇలా కాని పక్షంలో తాను సూసైడ్ చేసుకుంటానని నా చావుకు ఈ ముగ్గురే కారణమంటూ ఈయన రాసినటువంటి ఈ లెటర్ ప్రస్తుతం సోషల్ మీడియాలో వైరల్ గా మారింది. మరి అభిమానికి సూసైడ్ లెటర్ పై గేమ్ చేంజర్ మేకర్స్ స్పందిస్తారా లేదా అన్నది తెలియాల్సి ఉంది.
స్కంద సినిమా రివ్యూ & రేటింగ్!
చంద్రముఖి 2 సినిమా రివ్యూ & రేటింగ్!
‘బిగ్ బాస్ 7’ కంటెస్టెంట్ ప్రిన్స్ యవార్ గురించి 10 ఆసక్తికర విషయాలు !
Home
